Heather and Snow, George MacDonald [epub e reader TXT] 📗

baith, we micht hae ill winnin there!'

'Noucht's to fear, auntie,' returned Phemy. 'It's a heap ower warm to snaw. It may rain-I wudna won'er, but there'll be nae snaw-no afore I win hame, onygait.'

'Weel, min', gien there be ae drap o' weet, ye maun change ilka stic the minute ye're i' the hoose. Ye're no that stoot yet!'

'I'll be sure, auntie!' answered Phemy, and they parted almost at a right angle.

Before Phemy got to the top of the hill-shoulder, which she had to cross by a path no better than a sheep-track, the wind had turned to the north, and was blowing keen, with gathering strength, from the regions of everlasting ice, bringing with it a cold terrible to be faced by such a slight creature as Phemy; and so rapidly did its force increase that in a few minutes she had to fight for every step she took; so that, when at length she reached the top, which lay bare to the continuous torrent of fierce and fiercer rushes, her strength was already all but exhausted. The wind brought up heavier and heavier snow-clouds, and darkness with them, but before ever the snow began to fall, Phemy was in evil case-in worse case, indeed, than she could know. In a few minutes the tempest had blown all energy out of her, and she sat down where was not a stone to shelter her. When she rose, afraid to sit longer, she could no more see the track through the heather than she could tell without it in which direction to turn. She began to cry, but the wind did not heed her tears; it seemed determined to blow her away. And now came the snow, filling the wind faster and faster, until at length the frightful blasts had in them, perhaps, more bulk of blinding and dizzying snowflakes than of the air which drove them. They threatened between them to fix her there in a pillar of snow. It would have been terrible indeed for Phemy on that waste hillside, but that the cold and the tempest speedily stupefied her.

Kirsty always enjoyed the winter heartily. For one thing, it roused her poetic faculty-oh, how different in its outcome from Phemy's!-far more than the summer. That very afternoon, leaving Steenie with his mother, she paid a visit to the weem, and there, in the heart of the earth, made the following little song, addressed to the sky-soaring lark:-

What gars ye sing sae, birdie,
As gien ye war lord o' the lift?
On breid ye're an unco sma' lairdie,
But in hicht ye've a kingly gift!

A' ye hae to coont yersel rich in,
'S a wee mawn o' glory-motes!
The whilk to the throne ye're aye hitchin
Wi' a lang tow o' sapphire notes!

Ay, yer sang's the sang o' an angel
For a sinfu' thrapple no meet,
Like the pipes til a heavenly braingel
Whaur they dance their herts intil their feet!

But though ye canna behaud, birdie,
Ye needna gar a'thing wheesht!
I'm noucht but a herplin herdie,
But I hae a sang i' my breist!

Len' me yer throat to sing throuw,
Len' me yer wings to gang hie,
And I'll sing ye a sang a laverock to cow,
And for bliss to gar him dee!


Long before she had finished writing it, the world was dark outside. She had heard but little heeded the roaring of the wind over her: when at length she put her head up out of the earth, it seized her by the hair as if it would drag it off. It took her more than an hour to get home.

In the meantime Steenie had been growing restless. Coming wind often affected him so. He had been out with his father, who expected a storm, to see that all was snug about byres and stables, and feed the few sheep in an outhouse; now he had come in, and was wandering about the house, when his mother prevailed on him to sit down by the fireside with her. The clouds had gathered thick, and the afternoon was very dark, but all was as yet still. He called his dog, and Snootie lay down at his feet, ready for what might come. Steenie sat on a stool, with his head on his mother's knee, and for a while seemed lost in thought. Then, without moving or looking up, he said, as if thinking aloud,-

'It maun be fine fun up there amang thae cloods afore the flauks begin to spread!'

'What mean ye by that, Steenie, my man?' asked his mother.

'They maun be packit sae close, sae unco close i' their muckle pocks, like the feathers in a feather-bed! and syne, whan they lat them a' oot thegither, like haudin the bed i' their twa ban's by the boddom corners, they maun be smorin thick till they begin to spread!'

'And wha think ye shaks oot the muckle pocks, Steenie?'

'I dinna ken. I hae aften thoucht aboot it. I dinna think it's likly to be the angels. It's mair like wark for the bairnies up yoner at the muckle ferm at hame, whaur ilk ane, to the littlest littlin, kens what he's aboot, and no ane o' them's like some o' 's doon here, 'at gangs a' day in a dream, and canna get oorsels waukent oot o' 't. I wud be surer but that I hae thoucht whiles I saw the muckle angels themsels gaein aboot, throu and throu the ondingin flauchter o' the snaw-no mony o' them, ye ken, but jist whiles ane and whiles anither, throu amo' the cauld feathers, gaein aye straught wi' their heids up, walkin comfortable, as gien they war at hame in't. I'm thinkin at sic a time they'll be efter helpin some puir body 'at the snaw's like to be ower muckle for. Eh me! gien I cud but get rid o' my feet, and win up to see!'

'What for yer feet, Steenie? What ails ye aye at yer feet? Feet's gey usefu' kin o' thing's to craturs, whether gien them in fours or twas!'

'Ay, but mine's sic a weicht! It's them 'at's aye haudin me doon! I wad hae been up and awa lang syne gien it hadna been for them!'

'And what wud hae been comin o' hiz wantin ye, Steenie?'

'Ye wad be duin sae weel wantin me, 'at ye wud be aye wantin to be up and efter me! A body's feet's nae doobt usefu to hand a body steady, and ohn gane blawin aboot, but eh, they're unco cummarsum! But syne they're unco guid tu to hand a body ohn thoucht owre muckle o' himsel! They're fine heumblin things, a body's feet! But, eh, it'll be fine wantin them!'

'Whaur on earth gat ye sic notions aboot yer feet? Guid kens there's naething amiss wi' yer feet! Nouther o' ye hes ony rizzon to be ashamit o' yer feet. The fac is, your feet's by ordinar sma', Steenie, and can add but unco little to yer weicht!'

'It's a' 'at ye ken, mother!' answered Steenie with a smile. 'But, 'deed, I got my information aboot the feet o' fowk frae naegate i' this warl'! The bonny man himsel sent word aboot them. He tellt the minister 'at tellt me, ance I was at the kirk wi' you, mother-lang, lang syne- twa or three hun'er years, I'm thinkin'. The bonny man tellt his ain fowk first that he was gaein awa in order that they michtna be able to do wantin him, and bude to stir themselves and come up efter him. And syne he slippit aff his feet, and gaed awa up intil the air whaur the snaw comes frae. And ever sin syne he comes and gangs as he likes. And efter that be telled the minister to tell hiz 'at we was to lay aside the weicht that sae easy besets us, and rin. Noo by rin he maun hae meaned rin up , for a body's no to rin frae the deevil but resist him; and what is't that hauds onybody frae rinnin up the air but his feet? There!-But he's promised to help me aff wi' my feet some day: think o' that!-Eh, gien I cud but get my feet aff! Eh, gien they wad but stick i' my shune, and gang wi' them whan I pu' them aff! They're naething efter a', ye ken, but the shune o' my sowl!'

A gust of wind drove against the house, and sank as suddenly.

'That'll be ane o' them!' said Steenie, rising hastily. 'He'll be wantin me! It's no that aften they want onything o' me ayont the fair words a' God's craturs luik for frae ane anither, but whiles they do want me, and I'm thinkin they want me the nicht. I maun be gaein!'

'Hoots, laddie!' returned his mother, 'what can they be wantin, thae gran' offishers, o' siclike as you? Sit ye doon, and bide till they cry ye plain. I wud fain hae ye safe i' the hoose the nicht!'

'It's a' his hoose, mother! A' theroot's therein to him. He's in's ain hoose a' the time, and I'm jist as safe atween his wa's as atween yours. Didna naebody ever tell ye that, mother? Weel, I ken it to be true! And for wantin sic like as me, gien God never has need o' a midge, what for dis he mak sic a lot o' them?'

''Deed it's true eneuch ye say!' returned his mother. 'But I div won'er ye're no fleyt!'

'Fleyt!' rejoined Steenie; 'what for wud I be fleyt? What is there to be fleyt at? I never was fleyt at face o' man or wuman-na, nor o' beast naither!-I was ance, and never but that ance, fleyt at the face o' a bairn!'

'And what for that, Steenie?

'He was rinnin efter his wee sister to lick her, and his face was the face o' a deevil. He nearhan' garred me hate him, and that wud hae been a terrible sin. But, eh, puir laddie, he bed a richt fearsome wife to the mither o' him! I'm thinkin the bonny man maun hae a heap o' tribble wi' siclike, be they bairns or mithers!'

'Eh, but ye're i' the richt there, laddie!-Noo hearken to me: ye maunna gang the nicht!' said his mother anxiously. 'Gien yer father and Kirsty wad but come in to persuaud ye! I'm clean lost wi'oot them!'

'For the puir idiot hasna the sense to ken what's wantit o' him!' supplemented Steenie, with a laugh almost merry.

'Daur ye,' cried his mother indignantly, 'mint at sic a word and my bairn thegither? He's my bonny man!'

'Na, mother, na! He's the bonny man at wha's feet I sall ae day sit, clothed and i' my richt min'. He is the bonny man!'

'Thank the Lord,' continued his mother, still harping on the outrage of such as called her child an idiot,' 'at ye're no an orphan-'at there's three o' 's to tak yer part!'

'Naebody can be an orphan,' said Steenie, 'sae lang's God's nae deid.'

'Lord, and they ca' ye an idiot, div they!' exclaimed Marion Barclay.- 'Weel, be ye or no, ye're ane o' the babes