Guy Mannering, Or, the Astrologer — Complete, Walter Scott [best book club books txt] 📗

it's getting late at e'en. I tell'd the folk at the Change, where I put up Dumple, to send ower my supper here, and the chield Mac-Guffog is agreeable to let it in; I hae settled a' that. And now let's hear your story. Whisht, Wasp, man! wow, but he's glad to see you, poor thing!'

Bertram's story, being confined to the accident of Hazlewood, and the confusion made between his own identity and that of one of the smugglers who had been active in the assault of Woodbourne, and chanced to bear the same name, was soon told. Dinmont listened very attentively. 'Aweel,' he said, 'this suld be nae sic dooms desperate business surely; the lad's doing weel again that was hurt, and what signifies twa or three lead draps in his shouther? if ye had putten out his ee it would hae been another case. But eh, as I wuss auld Sherra Pleydell was to the fore here! Od, he was the man for sorting them, and the queerest rough-spoken deevil too that ever ye heard!'

'But now tell me, my excellent friend, how did you find out I was here?'

'Od, lad, queerly eneugh,' said Dandie; 'but I'll tell ye that after we are done wi' our supper, for it will maybe no be sae weel to speak about it while that lang-lugged limmer o' a lass is gaun flisking in and out o' the room.'

Bertram's curiosity was in some degree put to rest by the appearance of the supper which his friend had ordered, which, although homely enough, had the appetising cleanliness in which Mrs. Mac-Guffog's cookery was so eminently deficient. Dinmont also, premising he had ridden the whole day since breakfast-time without tasting anything 'to speak of,' which qualifying phrase related to about three pounds of cold roast mutton which he had discussed at his mid-day stage—Dinmont, I say, fell stoutly upon the good cheer, and, like one of Homer's heroes, said little, either good or bad, till the rage of thirst and hunger was appeased. At length, after a draught of home-brewed ale, he began by observing, 'Aweel, aweel, that hen,' looking upon the lamentable relics of what had been once a large fowl, 'wasna a bad ane to be bred at a town end, though it's no like our barn-door chuckies at Charlie's Hope; and I am glad to see that this vexing job hasna taen awa your appetite, Captain.'

'Why, really, my dinner was not so excellent, Mr. Dinmont, as to spoil my supper.'

'I daresay no, I daresay no,' said Dandie. 'But now, hinny, that ye hae brought us the brandy, and the mug wi' the het water, and the sugar, and a' right, ye may steek the door, ye see, for we wad hae some o' our ain cracks.' The damsel accordingly retired and shut the door of the apartment, to which she added the precaution of drawing a large bolt on the outside.

As soon as she was gone Dandie reconnoitred the premises, listened at the key-hole as if he had been listening for the blowing of an otter, and, having satisfied himself that there were no eavesdroppers, returned to the table; and, making himself what he called a gey stiff cheerer, poked the fire, and began his story in an undertone of gravity and importance not very usual with him.

'Ye see, Captain, I had been in Edinbro' for twa or three days, looking after the burial of a friend that we hae lost, and maybe I suld hae had something for my ride; but there's disappointments in a' things, and wha can help the like o' that? And I had a wee bit law business besides, but that's neither here nor there. In short, I had got my matters settled, and hame I cam; and the morn awa to the muirs to see what the herds had been about, and I thought I might as weel gie a look to the Touthope Head, where Jock o' Dawston and me has the outcast about a march. Weel, just as I was coming upon the bit, I saw a man afore me that I kenn'd was nane o' our herds, and it's a wild bit to meet ony other body, so when I cam up to him it was Tod Gabriel, the fox-hunter. So I says to him, rather surprised like, "What are ye doing up amang the craws here, without your hounds, man? are ye seeking the fox without the dogs?" So he said, "Na, gudeman, but I wanted to see yoursell."

'"Ay," said I, "and ye'll be wanting eilding now, or something to pit ower the winter?"

'"Na, na," quo' he, "it's no that I'm seeking; but ye tak an unco concern in that Captain Brown that was staying wi' you, d'ye no?"

'"Troth do I, Gabriel," says I; "and what about him, lad?"

'Says he, "There's mair tak an interest in him than you, and some that I am bound to obey; and it's no just on my ain will that I'm here to tell you something about him that will no please you."

'"Faith, naething will please me," quo' I, "that's no pleasing to him."

'"And then," quo' he, "ye'll be ill-sorted to hear that he's like to be in the prison at Portanferry, if he disna tak a' the better care o' himsell, for there's been warrants out to tak him as soon as he comes ower the water frae Allonby. And now, gudeman, an ever ye wish him weel, ye maun ride down to Portanferry, and let nae grass grow at the nag's heels; and if ye find him in confinement, ye maun stay beside him night and day for a day or twa, for he'll want friends that hae baith heart and hand; and if ye neglect this ye'll never rue but ance, for it will be for a' your life."

'"But, safe us, man," quo' I, "how did ye learn a' this? it's an unco way between this and Portanferry."

'"Never ye mind that," quo' he, "them that brought us the news rade night and day, and ye maun be aff instantly if ye wad do ony gude; and sae I have naething mair to tell ye." Sae he sat himsell doun and hirselled doun into the glen, where it wad hae been ill following him wi' the beast, and I cam back to Charlie's Hope to tell the gudewife, for I was uncertain what to do. It wad look unco-like, I thought, just to be sent out on a hunt-the-gowk errand wi' a landlouper like that. But, Lord! as the gudewife set up her throat about it, and said what a shame it wad be if ye was to come to ony wrang, an I could help ye; and then in cam your letter that confirmed it. So I took to the kist, and out wi' the pickle notes in case they should be needed, and a' the bairns ran to saddle Dumple. By great luck I had taen the other beast to Edinbro', sae Dumple was as fresh as a rose. Sae aff I set, and Wasp wi' me, for ye wad really hae thought he kenn'd where I was gaun, puir beast; and here I am after a trot o' sixty mile or near by. But Wasp rade thirty o' them afore me on the saddle, and the puir doggie balanced itsell as ane of the weans wad hae dune, whether I trotted or cantered.'

In this strange story Bertram obviously saw, supposing the warning to be true, some intimation of danger more violent and imminent than could be likely to arise from a few days' imprisonment. At the same time it was equally evident that some unknown friend was working in his behalf. 'Did you not say,' he asked Dinmont, 'that this man Gabriel was of gipsy blood?'

'It was e'en judged sae,' said Dinmont, 'and I think this maks it likely; for they aye ken where the gangs o' ilk ither are to be found, and they can gar news flee like a footba' through the country an they like. An' I forgat to tell ye, there's been an unco inquiry after the auld wife that we saw in Bewcastle; the Sheriff's had folk ower the Limestane Edge after her, and down the Hermitage and Liddel, and a' gates, and a reward offered for her to appear o' fifty pound sterling, nae less; and Justice Forster, he's had out warrants, as I am tell'd, in Cumberland; and an unco ranging and ripeing they have had a' gates seeking for her; but she'll no be taen wi' them unless she likes, for a' that.'

'And how comes that?' said Bertram.

'Ou, I dinna ken; I daur say it's nonsense, but they say she has gathered the fern-seed, and can gang ony gate she likes, like Jock the Giant-killer in the ballant, wi' his coat o' darkness and his shoon o' swiftness. Ony way she's a kind o' queen amang the gipsies; she is mair than a hundred year auld, folk say, and minds the coming in o' the moss-troopers in the troublesome times when the Stuarts were put awa. Sae, if she canna hide hersell, she kens them that can hide her weel eneugh, ye needna doubt that. Od, an I had kenn'd it had been Meg Merrilies yon night at Tibb Mumps's, I wad taen care how I crossed her.'

Bertram listened with great attention to this account, which tallied so well in many points with what he had himself seen of this gipsy sibyl. After a moment's consideration he concluded it would be no breach of faith to mention what he had seen at Derncleugh to a person who held Meg in such reverence as Dinmont obviously did. He told his story accordingly, often interrupted by ejaculations, such as, 'Weel, the like o' that now!' or, 'Na, deil an that's no something now!'

When our Liddesdale friend had heard the whole to an end, he shook his great black head—'Weel, I'll uphaud there's baith gude and ill amang the gipsies, and if they deal wi' the Enemy, it's a' their ain business and no ours. I ken what the streeking the corpse wad be, weel eneugh. Thae smuggler deevils, when ony o' them's killed in a fray, they 'll send for a wife like Meg far eneugh to dress the corpse; od, it's a' the burial they ever think o'! and then to be put into the ground without ony decency, just like dogs. But they stick to it, that they 'll be streekit, and hae an auld wife when they're dying to rhyme ower prayers, and ballants, and charms, as they ca' them, rather than they'll hae a minister to come and pray wi' them—that's an auld threep o' theirs; and I am thinking the man that died will hae been ane o' the folk that was shot when they burnt Woodbourne.'

'But, my good friend, Woodbourne is not burnt,' said Bertram.

'Weel, the better for them that bides in't,' answered the store-farmer. 'Od, we had it up the water wi' us that there wasna a stane on the tap o' anither. But there was fighting, ony way; I daur to say it would be fine fun! And, as I said, ye may take it on trust that that's been ane o' the men killed there, and that it's been the gipsies that took your pockmanky when they fand the chaise stickin' in the snaw; they wadna pass the like o' that, it wad just come to their hand like the bowl o' a pint stoup.'

'But if this woman is a sovereign among them, why was she not able to afford me open protection, and to get me back my property?'

'Ou, wha kens? she has muckle to say wi' them, but whiles they'll tak their ain way for a' that, when they're under temptation. And then there's the smugglers that they're aye leagued wi', she maybe couldna manage them sae weel. They're aye banded thegither; I've heard that the gipsies ken when the smugglers will come aff, and where they're to land, better than the very merchants that deal wi' them. And then, to the boot o' that, she's whiles cracked-brained, and has a bee in her head; they say that, whether her spaeings and fortune-tellings be true or no, for certain she believes in them a' hersell, and is aye guiding hersell by some queer prophecy or anither. So she disna aye gang the straight road to the well. But deil o' sic a story as yours, wi' glamour and dead folk and losing ane's gate, I ever heard out o' the tale-books! But whisht, I hear the keeper coming.'

Mac-Guffog accordingly interrupted their discourse by