Marriage Supper of the Lamb (Urdu -Pakistan version), Susan Davis [detective books to read TXT] 📗

تب شیطان اور اُس کے کام ختم ہو جائیں گے۔

 

2 تھسلنیکیوں 2 باب 8 آئت :

اُس وقت وہ بے دِین ظاہِر ہوگا جِسے خُداوند یِسُوع اپنے مُنہ کی پھُونک سے ہلاک اور اپنی آمد کی تجلّی سے نِیست کرے گا۔

 

بہت جلد میرے بچو تُمہیں اِس کا پھل مِلے گا کہ کیا تُم یقین کرتے ہو؟ کیا تُمہارے دِلوں میں یہ ہے؟ ختم ہوئی دُنیا، میری مرضی اور میری راہ۔  میں تُمہیں ہمیشہ کی بادشاہی کی پیشکش کرتا ہوں۔

یہ مت سوچو کہ یہ دُنیا تُمہیں کُچھ دے گی۔ یہ سب ختم ہونے والا ہے۔ لالچی مت بنو۔ جِس مُستقبل سے تُم لِپٹے ہو وہ وجود میں نہ آئے گا۔ تُم اپنا وقت ضائع کر رہے ہو۔

یہ سچائی جانو اور جاگو۔ میں تُمہیں سچائی دے رہا ہوں۔ میرے کلام کو پڑھو اور دیکھو جو میں نے کہا اِس میں لِکھا ہے۔ سب کُچھ ویسا ہی یے اور بہت جلد ہونے والا ہے۔ یہ اچانک نہیں ہو گا۔ بلکہ یہ خُدا کے وہ اِلفاظ ہیں جو پورے ہوں گے۔ میرا کلام جھوٹا نہیں۔ میرا کلام پُختہ ہے۔ میں قادرِ مُطلق ہوں۔ بادشاہوں کا بادشاہ۔ خُداوندوں کا خُدا۔ میرا کلام بدلتا نہیں۔

 

1 پطرس 1 باب 24 اور 25 آیات :

24 چُنانچہ ہر بشر گھاس کی مانِند ہے اور اُس کی ساری شان و شوکت گھاس کے پھُول کی مانِند۔ گھاس تو سُوکھ جاتی ہے اور پھُول گِر جاتا ہے۔

25 لیکِن خُداوند کا کلام ابد تک قائِم رہے گا۔ یہ وُہی خُوشخَبری کا کلام ہے جو تُمہیں سُنایا گیا تھا۔

 

سونے والے جاگ۔ یہ جاگنے کا وقت ہے۔ ہوشیار ہو۔ اپنی آنکھوں سے پٹی اُتار دے۔ دُنیا سے نظر ہٹا کے میری طرف توجہ کرو۔

راتوں کو میرے پاس آؤ۔

جُھکو اور دُعا کرو۔

https://www.youtube.com/watch?v=8dqQBcEG4zQ

باب 12

دیکھ میں جلد آنے والا ہوں

 

آج میں بتانا چاہتا ہوں۔ میں جلد آنے والا ہوں۔ دُنیا ایک دھماکہ کے ساتھ بدلنے والی ہے۔ ہر طرف سے تبدیلی رونما ہو گی اور بہت تیزی سے میری دُلہن اُٹھا لی جائے گی۔ جِنھوں نے اپنے آپ کو دٌلہا کے لئیے تیار کیا، جِنھوں نے اپنے آپ کو برّا کے لہُو سے دھویا اور میرے کلام سے خُود کو پاک کِیا اور پِھر ڈرامائی طور پر میری دُلہن کا اُٹھا لیا جانا اور تباہی کا ہر طرف پھیل جانا اور مُخالفِ مسیح کا کام کرنا۔ یہ سب میری آمد کی نشانیاں ہیں۔

 

اِفسیوں 5 باب 25 تا 25 آیات :

25 اَے شَوہرو! اپنی بِیویوں سے محبّت رکھّو جَیسے مسِیح نے بھی کلِیسیا سے محبّت کر کے اپنے آپ کو اُس کے واسطے مَوت کے حوالہ کر دِیا۔

26 تاکہ اُس کو کلام کے ساتھ پانی سے غُسل دے کر اور صاف کر کے مُقدّس بنائے۔

27 اور ایک اَیسی جلال والی کلِیسیا بنا کر اپنے پاس حاضِر کرے جِس کے بَدَن میں داغ یا جھُرّی یا کوئی اَور اَیسی چِیز نہ ہو بلکہ پاک اور بے عَیب ہو۔

 

یہ سیلاب کی طرح ہوگا۔ جو ایک ہی رات میں سب تباہ کر دیتا ہے۔ کبھی بھی ایسا نہیں سُنا گیا ہو گا جیسا میرے آنے پر ہو گا۔ جو پیچھے رہ جائیں گے اور جو اُٹھا لئیے جائیں گے سب جانیں گے۔ بہت سے اِن تبدیلیوں کے دوران مارے جائیں گے۔ یہ تباہی لگاتار ہو گی۔ یہ دُنیا اِس کی گواہ ہو گی جو ہو رہا ہوگا۔ میں اِسی لئیے لوگوں کو گواہی دیتا ہوں۔ اِن نشانات اور اپنے خادموں کے وسیلہ سے، جوانوں اور بزرگوں کے وسیلہ سے میری گواہی واضع ہوتی ہے اور میں بتاتا ہوں کہ کیا ہونے والا ہے۔ کیونکہ میں لاتبدیل ہوں۔ میں سچائی کا منبع ہوں۔ میری سچائی بدلتی نہیں ہے۔ بہت جلد وقت آنے والا ہے۔ بہت سے سمجھتے ہیں کہ میرا کلام کوئی کہانی ہے۔ بہت جلد یہ مُکاشفے کُھلنے والے ہیں۔ تُم اپنی آنکھوں سے دیکھو گے۔  بیشک یہ سب کُچھ بہت پہلے سے بتایا جا چُکا ہے ۔ میں چاہتا ہوں کہ تُم میری باتوں پر شک مت کرو۔ اُن کی مت سُنو جو مُجھے جانتے نہیں۔ میرا روح تُمہیں سمجھائے گا۔ وہ ہر وقت تُمہاری مدد کے لئیے موجود ہے۔ تُمہیں اِس سچائی کے بارے میں جاننے کی ضرورت ہے۔

 

مُکاشفہ 3 باب 18 آئت :

اِس لِئے مَیں تُجھے صلاح دیتا ہُوں کہ مُجھ سے آگ میں تپایا ہُؤا سونا خرِید لے تاکہ دَولتمند ہو جائے اور سفید پوشاک لے تاکہ تُو اُسے پہن کر ننگے پن کے ظاہِر ہونے کی شرمِندگی نہ اُٹھائے اور آنکھوں میں لگانے کے لِئے سُرمہ لے تاکہ تُو بِینا ہو جائے۔

 

یہ تُمہارے ساتھ نہ ہو۔ میں اپنا دِل تُمہارے ساتھ بانٹ رہا ہوں۔ میں چاہتا ہوں کہ تُم میری قُربت میں آؤ۔ میں چاہتا ہوں کہ زِندگی کے مُشکل حالات میں تُمہیں آرام دوں۔

میں تُمہارے ساتھ اپنا رِشتہ بنائے رکھنا چاہتا ہوں۔ مُجھے پیچھے مت دھکیلو۔ میری پیشکش کو قبول کرو اور میرے نزدیک آؤ۔ میرا رِشتہ تمام رِشتوں سے زیادہ اہم ہے۔ میں اپنا دِل تُمہیں دیتا ہوں۔ اور بدلے میں تُمہارا دِل مانگتا ہوں۔ میں تُمہارے ساتھ اپنے خیالات بانٹتا ہوں۔ میں تُمہیں آرام دوں گا۔ میرے ساتھ رفاقت رکھو۔ میں ہر طرح کے حالات میں تُمہارے ساتھ رہنا چاہتا ہوں۔

 

زبور 139 آئت 3 :

تُو میرے راستہ کی اور میری خوابگاہ کی چھان بین کرتا ہے۔ اور میری سب روشوں سے واقف ہے۔

 

سو میرے پاس آؤ۔ میرے سامنے جُھکو۔ تب میں تُمہیں اپنے ساتھ لے جاؤں گا اور تُم میرے ساتھ میری دُنیا میں رہو گے۔

 

 

 

https://www.youtube.com/watch?v=8dqQBcEG4zQ

 

باب 13
وقت گُزرتا جاتا ہے

 

میرے بچو میں تُمہارا پیچھا کر رہا ہوں۔ وقت بہت تیزی سے گُزر رہا ہے۔ میں بہت جلد آ رہا ہوں۔ بہت سے فرشتوں کے پروں پر سوار ہو کر۔ اور یہ دِن بہت جلد آنے والا ہے۔ تُمہیں تیار رہنا ہے۔ اِنتظار کرنا ہے۔ دیکھتے رہنا ہے۔

2 تھسلنیکیوں 3 باب 5 آئت :
خُداوند تُمہارے دِلوں کو خُدا کی محبّت اور مسِیح کے صبر کی ہدایت کرے۔

میں بہت جلد آنے والا ہوں۔ میں وقت کا پابند ہوں۔ میرا کلام بھلا ہے۔ میں جو کہتا ہوں وہ سہی وقت پر کرتا ہوں۔ وقت بہت تیزی سے گُزر رہا ہے۔ اُن کی باتیں سُن کر دِلبرداشتہ نہ ہو جاؤ جو میرا اِنتظار نہیں کرتے۔ ورنہ تُم بھی ویسے ہی ہو جاؤ گے۔ میں خُدا ہوں جو اپنا کلام پورا کرتا ہوں۔ میرا کلام بھلا اور مظبوط ہے اور میں چٹان ہوں۔ جو مُجھ پر ایمان لاتا ہے وہ کبھی بھی شرمِندہ نہ ہو گا۔ کوئی بھی نہیں۔ میں بدلتا نہیں۔ میں کل بھی ایسا تھا۔ آج بھی ایسا ہوں اور ہمیشہ ایسا ہی رہوں گا۔ میں الفا اور اومیگا ہوں۔ بچو! تُمہیں تیار رہنا ہے۔ دُنیاوی سوچ چھوڑ کر میرے پاس آنے کی تیاری کرنی ہے۔ تُم. کیسے تیار ہو گے؟ میں تو عاجزی مانگتا ہوں۔ میں تُمہارا اِقرار خُدا کے سامنے پورے سچے اور عاجز دِل کے ساتھ چاہتا ہوں۔ میں مکمل طور پر چاہتا ہوں کہ تُم ہتھیار ڈال دو۔ میں چاہتا ہوں کہ تُم اپنا ایمان مُجھ پر رکھو۔ میں چاہتا ہوں کہ تُم میرے روح سے بھرو۔ آؤ اور مکمل طور پر بھر جاؤ۔ اور اپنی کُپیوں میں تیل بھر لو۔ میں چاہتا ہوں کہ میرے کلام سے تُم دُھلو اور میرے لہُو سے اپنے آپ کر پاک کرو۔ وہ لہُو جو تُمہارے واسطے ادا کِیا جا چُکا ہے۔ میں تُمہیں بتانا چاہتا ہوں۔ تُم اپنی تمام راہوں میں مُجھے دیکھو۔ اور پوشیدگی میں مُجھے ڈھونڈو. میں چاہتا ہوں کہ تُم میرے ساتھ چلو اور ہر ایک بات میں مُجھ پر بھروسہ رکھو۔ میں چاہتا ہوں کہ تُم مُجھ سے دُعا کرو اور ہر روز مُجھ سے بات کرو۔ تُمہارا خُدا فرماتا ہے۔
بچو! میں چاہتا ہوں کہ تُم ہوشیار ہو جاؤ۔ کبھی اپنی آنکھوں کو بند نہ کرو۔ تُمہاری آنکھیں صِرف مُجھے تکتی ہوں۔ میں چاہتا ہوں تُم اِن نشانات کو دیکھو جو میرے کلام میں بتائے گئے ہیں۔ سچائی کے بارے میں جانو تا کہ تاریکی میں نہ رہو۔ یہ تاریک لمحے ہوں گے جو پِھر روشن نہ ہوں گے۔ اور پِھر اِس دُنیا میں نور نہ ہو گا۔ دہشت ہی دہشت ہو گی۔ میری سُنو۔ میری سچائی ہمیشہ قائم رہتی ہے۔ اور تُم ہمیشہ اِس پر بھروسہ کر سکتے ہو۔ اور جیسا میں نے کہا یہ تاریکی کا وقت ہے اور یہ وقت بہت جلد آنے والا ہے۔ میرے بچو! یہ وقت اطمینان سے بیٹھنے کا نہیں اور نہ سونے کا ہے۔ جاگو اور میری سچائی جانو۔ توبہ کرو۔ میں تُمہارا اِنتظار کر رہا ہوں۔ اِس دُنیا کا پیچھا چھوڑ دو جِس پر تُم پورے دِل سے بھروسہ کرتے ہو۔ اِس دُنیا سے مت لِپٹو جِس کے پاس تُمہارے سوالوں کا جواب نہیں۔ میرے اور دُنیا کے درمیان روغنی روٹی مت بنو۔ میں آدھے دِل کی توبہ نہیں چاہتا۔ یہ قبول نہیں ہو گی۔ تُمہیں میرے پاس آنا ہے۔ نہیں تو تُم آخرت کے لئیے میرے ساتھ مِل نہیں سکو گے۔ یہ ضروری ہے میری بادشاہی میں داخِل ہونے کے لئیے۔ اور میری دُلہن کو یہ سب کرنا ہے۔
بچو! میں نے مکمل موت سہی۔ عاجزانہ موت، لعنتی موت۔ کُچھ بھی باقی نا چھوڑا۔ میں نے تمام کِیا۔ میں نے اپنی پوری جان تُمہارے لئیے دی ہے۔ میں نے تُمہاری سزا اپنے اوپر سہی۔ وہ بہت صبر آزما اور دردناک تھا۔ میں ایسی بھیڑ بنا جو کُتوں کے سامنے بے بس ہوتی ہے۔ میں نے پوری قیمت ادا کی ہے۔

زبور 22 آئت 16 :
کیونکہ کُتوں نے مجھے گھیر لیا ہے۔ بدکاروں کی گُروہ مجھے گھیرے ہوئے ہے۔ وہ میرے ہاتھ اور میرے پاؤں چھیدتے ہیں۔

میری اِس بڑی قیمت کو رد نہ کرو جو میں نے تُمہارے لئیے دی ہے۔ اگر تُم اِس قُربانی کو رد کرتے ہو تو گُناہوں کی معافی نہیں پا سکتے جِس کی لوگ تلاش کرتے ہیں۔ اِس کا کوئی فائدہ نہیں۔ میں ہی وہ قیمت ہوں جو ادا کی جا چُکی ہے۔
میرا لہُو، میرا صلیب پر دُکھ سہنا، میرا چھیدا جانا، میرا بدن توڑا جانا۔ میں نے تُمہاری تمام قیمت ادا کی ہے اور یہ میں نے اپنی مرضی سے ادا کی ہے۔ تا کہ تُم باپ کے ساتھ اور میرے ساتھ اور میری روح کے ساتھ رفاقت رکھ سکو۔

عبرانیوں 13 باب 12 آئت :
اِسی لِئے یِسُوع نے بھی اُمّت کو خُود اپنے خُون سے پاک کرنے کے لِئے دروازہ کے باہِر دُکھ اُٹھایا۔

یہ بہت قیمتی تحفہ ہے میرے بچو۔ اِس کی قیمت نہیں لگائی جا سکتی۔ اور نہ ہی اِسکی کوئی قیمت ہو سکتی ہے۔ اِس کو حقیر اورنکما نہ سمجھو۔ اِس تحفے کو عزت سے قبول کرو۔ اِس سے بڑا کوئی تحفہ نہیں۔ میرے بچو! میں تُم سے اِس تحفے کی قیمت نہیں مانگ رہا اور نہ تُم اِس تحفے کی قیمت ادا کر سکتے ہو۔ یہ مُفت ہے اور تُمہیں مُفت مِلے گا۔ نہ جھگڑو اور نہ اِسے رد کرو ۔ یہ بہت بڑا تحفہ ہے۔ اِس تحفے کو رد کرنے کا جرمانہ ہو گا۔ ہمیشہ کے تحفے کو رد کرنا ہمیشہ کی آگ ہے۔ میرے بچو! کیا تُم سجھ رہے ہو۔ سو اِس تحفے کو معمولی نہ جانو۔ اِس کا خیال رکھو۔ کیونکہ یہ بیش قیمت تحفہ خُدا کی طرف سے ہے۔

عبرانیوں 10 باب 29 آئت :
تو خیال کرو کہ وہ شَخص کِس قدر زِیادہ سزا کے لائِق ٹھہرے گا جِس نے خُدا کے بَیٹے کو پامال کِیا اور عہد کے خُون کو جِس سے وہ پاک ہُؤا تھا ناپاک جانا اور فضل کے رُوح کو بے عِزّت کِیا۔

بیشک یہ بیش قیمت ہے۔ دُنیا میں چند ہیں جو اِس کی قدر کرتے ہیں۔ اور اِس کو جانتے ہیں۔ اور پِھر کُچھ ہی سونے کی سڑکوں پر چلیں گے کیونکہ اُنھوں نے ہوشیاری سے میرے اِس تحفے کو بنی نوح اِنسان کے لئیے قبول کِیا۔ احمق مت بنو۔ زِندگی اور اِس سے بڑی ہر نعمت میرے پاس ہے۔ میرے ساتھ میز میں شِرکت کرو۔ میں جو مُفت بانٹتا ہوں۔ اور یہ ہمیشہ کی زِندگی کی پیشکش ہے۔ مُفت لو۔ یہ ہمیشہ موجود نہ ہو گی۔
خُداوند یسوع (YAHUSHUA)
ازلی ابدی بادشاہ
عاجز برّا
فرماتا ہے

 

 

 

https://www.youtube.com/watch?v=4UXNMu5rBeo

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

باب 14

دُنیا میری مُخالف ہو گئی

 

 

میرے بچو! میں اِس دُنیا کے بارے میں بتانا چاہتا ہوں جو میری مُخالف ہے۔ اور جو کُچھ میرا ہے یا جو میں کرتا ہوں اُس کی مُخالف ہے۔

 

یعقوب 4 باب 4 آئت :

اَے زِنا کرنے والیو! کیا تُمہیں نہِیں معلُوم کہ دُنیا سے دوستی رکھنا خُدا سے دُشمنی کرنا ہے؟ پَس جو کوئی دُنیا کا دوست بننا چاہتا