TEKANIRIZA OKUTWARWA KWEKANISA (Ugandan Version), Susan Davis [books like beach read .TXT] 📗

28. NDAKWETA NTA? OMUGOLE WANGE RUNDI EKANISA YANGE ENYAKUBUZIRE EYESIGAIRE ENYUMA?

 

(Ebigambo ebitungirwe Susan kuruga hali MUKAMA waitu, Okwaikumi nebiri 31, 2013)

Baana BANGE, onu ni RUHANGA wanyu.

 

Ninyenda kubasoborra hali obwire bwomumaiso obuli haihi. Ensi negumizamu okweyongera ekiirima. Emitima yabantu nefunda-balimu kurubatira omu kwegomba--nibafuka bataine engonzi; bacumisirwe obusaali bwomunyanzigwa owakwenda kubahwerekereza. Emitima yabantu erimu kufuka. Nkagamba ngu kiribaho kandi hati amananu galimu kuhikiira. Abantu beberwe omulingo gwokuswaraho. Nibafuka muno, tibainiire mbabazi zoona hali abaliraanwa baabo.

 

Ekanisa YANGE eri kyererezi omunsi enu eyekiirima--ehondera RUHANGA wayo haihi muno-erora amananu kunu ababuzire nibairuka hali amananu nibagya omukiirima; batakuhweza. Ekanisa YANGE eri manzi omu bwakaiso bwayo, hali NYOWE. Ababuzire bahakana ngu mbaho kandi baseera ensonga ezo kusoborra ngu timbaho. Ekanisa YANGE eyetegereza amananu agahikire hamu nokwekamba hamu nokugumisiriza engeri kwisana. Ekanisa YANGE nehigwa omunsi enu embi, kandi nensi eri munyanzigwa hali Ekanisa YANGE. Ekanisa YANGE eina omutima GWANGE kandi enyisana. Tekusikibwa emihanda yensi hamu nokwetaaga kwensi eyenyakulimu kufwa. Ensi eiragwire kandi eri kijumo haluwe. Tainamu kunyumirwa kwoona omu kubulira omu mihanda yensi eyenyakuhindwire omugongo gwayo hali RUHANGA. Ahakaniza okulengesa okwokweisaniza ensi eyekuhondera emihanda eyomunyanzigwa WANGE. Amaiso ge gogibwemu nomubazi gwa maiso (eye salve) kandi asemezibwe nomusaahi gwange, arubatira omumananu kandi aisaniza enyetwara eya RUHANGA We: Engonzi, embabazi, okuroleera, okugumisiriza, obusinge, hamu nomuhimbo. Amaani ga MWOYO WANGE ARUKWERA gonka nigo gamusobozesa kwisana NYOWE, omumaiso gensi enyakulimu kufwa. Aina OMWOYO WANGE omu bwijwire, kandi netaara ye eyaka nekyererezi kiingi. Arubatira aha mihanda yekyererezi, kandi ayangasana namananu GANGE, omunsi eyenyakwijwire ekiirima. Tayemeera mumisega eyenyakuli mubyooya byentaama, eyebuzire, embuzi.

 

Onu nuwe omugole WANGE-owayeteekanize kandi atekanirize okwija KWANGE habwokuba alimu kutunuura kandi namaiso ge agahinduliire yagateka hali RUHANGA we. Kinu nikyo kimwahukanizamu hali ensi; omutima gwa zaabu etaine kamogo. Gumizamu omugole WANGE omwesigwa--Ensi omwanya--ebintu binu nibibazaaho okwija KWANGE nobwemitima yabantu eraaba nehakana ngu okwija KWANGE kuhikire. Bwangu ababuzire ababasigirwe enyuma baija kwegarukamu nenaku yoona eyibalimu kubona bataine OMWOYO ARUKWERA owanyakwihirwemu omunsi, naikiriza omusaija owokubura okurubata natahamu kandi naleeta akavuyo omubantu.

 

Mwetekanize baana, ndabeeta nta? OMUGOLE WANGE, rundi ekanisa YANGE enyakubuzire eyesigaire enyuma? Muchwemu-nooha owumukwenda kumara nawe ebiro byoona ebitahwaho? NYOWE rundi omunyanzigwa WANGE? Haroho enchwamu emu yonka kandi enu eri yanyu kukora. Obwire bugufu. Mwikalege mwetekaniriize okwija KWANGE.

 

Onu nuwe MUKAMA YAHUSHUA

 

EKYEREREZI EKIKUSINGA OBURUNGI-- ENYUNYUZI EYEKUSINGA KWAKA EYEIJA NYENKYAKARA

 

Ebyahandiikirwe ebikugenderaho:

Matayo 25:32-33 Namahanga goona galisorozebwa omu maisoge nauwe alibachwanganizamu nkomuliisa okwacwanganizamu entaama nemburabuzi, nentaama alizita ha mukono gwe ogwobulyo baitu emburabuzi ha mukono ogwemoso.

 

2 Abasesalonika 2:7-8 Baitu ekyensita ekyobwemi nikikyakora kyonka haroho arukutanga hati bunu okuhikya obwaliihibwaho. Kandi nubwo ogu owobwemi alisukurwa, MUKAMA waitu YESU owalihwerekereza norwoya orwakanwake namuburanganiza obwokumanyisa obwokwija kwe.

2 Abasesalonika 2:3 Omuntu wena aleke okubabiihabiha omu kigambo kyona kyona, baitu tikirihika, rundi okwahukana obukulikamara okubaho, kandi omuntu oli owokusisa obwalikamara okusuku'rwa omwana wokuhwereke'ra.

 

29. ABO ABAKUNDWANISA HAMU NEBIGAMBO BYANGE BAIJA KUSANGA NGU TIBASOBORA KUSINGURA

 

(Ebigambo ebitungirwe Susan kuruga hali MUKAMA waitu, Okwokubanza 6, 2014)

Leka tutandike:

 

Baana, NINYOWE MUKAMA wanyu akubaza: Haroho ebintu ebikutiinisa ebikwija haihi. Omuntu ayangire kukwata kumanya ekirimu kwija haihi. Nobukiraaba ngu mbanjuliire omu bigambo ebimpandiikire kara na kara, abantu bakyayenda kwikiriza omumulingo ogundi. Ebigambo byange bihikire--bihikire--biri habwire-byetekaniize kuhikiira. Bingi hali ebigambo binu bimazire ira kuhikiira--nimubirora buli kiro--kandi kunu baingi muno babyama, baingi muno bagwijagira. Bagwijagiire. Gunu nugwo omulingo nkusangamu ekanisa YANGE eyenyakufwire, eya koya koya eyefwire. Abo abanyakwanga kwikiriza ngu balimu kwikara omu biro ebyokusembayo ebigwererezi bitakabaire kugwera ensi.

 

Baana, mulimu kuzaana, nomurro kakusinga mwanga kuhuliiriza okurabura KWANGE hamu nabanabi BANGE. Emikoro enu etekanizibweho omu bwire okubaimukya muturo, okubateka omu kukora. Ego erimu kuletereza baingi okwimuka muturo hamu nokutaburwa baitu tikikumara. Bwangu abantu baija kuba nibenda kuseera RUHANGA wabo, engeri bararora bingi kandi bingi muno ebikwoleka "okwija Kwange okwabwangu". Tindukwenda kusiga muntu weena enyuma, baitu ebigambo BYANGE nibyetegerezibwa, kandi ntekwa kuba wamananu hali EKIGAMBO KYANGE. Kakusinga oraaba otehaireyo hali NYOWE, omutima ogwehaireyo, omwoyo, entekereza, hamu nomwoyo, nomutima ogukwegarukamu mumananu, hati nubwo oraaba otahimbire etaara eyenyakwijwire amafuta kandi oija butarorwa obundagarukira abange.

 

Abakukira obwingi tibalimu kuhuliiriza kurungi, kandi abakukira obwingi tibakwenda ekyo ekinyina kuhayo. Abantu nibenda kuzaana n'ebintu ebyensi kukira kwija kuseera RUHANGA Wabo. Bwangu baija kurora ngu enchwamu eyokuseera RUHANGA nikyo ekiikaro ekirungi kandi nabagayi hamu nabakusekeereza baija kuculezibwa amananu, hamu nokuhikiira kwemikoro eyenyakuli haihi kubaho. Kunu ngumizamu kuculiira entaama ZANGE ezinyakubuzire kandi nomutima gwange niguhutazibwa hali abaingi abakwija kubura. Kuburra omunsi eyekiirima eyekwebemberwa omunyanzigwa WANGE kutwarwa omu kusarwa, kandi nomunsi eyekiirima muno kusingayo -gehena eyebiro byoona. Tindukwenda omwoyo nogumu guti kubura baitu amananu GANGE Hamu nekigambo KYANGE tibihinduka kandi naabo abandwanisa hamu nebigambo BYANGE baija kusanga ngu tibasobora kusingura.

 

 

Mwije omu kyererezi, amananu GANGE, hamu nokutoroka KWANGE okwabwangu. Otaikiriza omwirima kwija hagati yaitu. Ija leka nsukule ebichweka byanyu ebyekiirima mbite mukyererezi kandi mbasemeze, mbatekanize. Kunu kuli kuyayana KWANGE Okukusingayo kuba nomugole owataina kamogo owanyakweteekaniize, nukwo nsobole kumutwara omuka NANYOWE omwiguru LYANGE. Oyetekaniize? Oraija ogende NANYOWE obundakutumisa-orahurra n'eiraka LYANGE? Olimu kuntunulira ondindiriire,nonyegomba hamu nokugaruka KWANGE? Kinu kiri kintu ekimukwetaaga kuchwamu. Mutalemesa ebyo ebikwetagisa kukorwa hati kandi hatali hanyumaho-okuhuliiriza kwawe okurungi hali okujunwa kwawe hamu nembeera yomwoyo gwawe hamu nokurugiiramu kwebiro byawe ebyomumaiso habwebiro byoona ebitahwaho. Orabimara na RUHANGA wawe, OMUHANGI wawe? Rundi orabulira omu kiina ekitahwaho nomunyanzigwa omubiihi owakusingayo? Otekwa kukomamu,kandi butakomamu era eri nchwamu eyokundwanisa. Ninsaba ngu orakora omuhanda gwawe kwija hali NYOWE, hati - engeri nonyetaaga muno kukira engeri okumanya.

 

IJA bwangu, ija hansi yomwenagiro gwange ogukujuna hamu nokuswekwa kwomusaahi gwange. Ekyanyu kiri kugusaba busaba. Leka ebigambo binu bibarabemu omu myoyo yany bibate omunkora.

 

NINYOWE MUKAMA YAHUSHUA- omukozi wa byoona

 

 

Ebyahandiikirwe ebikugenderaho:

 

2 Timoteo 3:16 Ebihandikirwe byoona ebiterekerezebwa Omwoyo gwa RUHANGA nibigasa obwokwegesa, nobwokuhana, nobwokusoboora, nobwokugambi'ra okuli omuli omukuhiki'ra..

 

Matayo 25:5 Kandi omuswezi obuyaikaireyo, boona bakahungira nibagwijagira.

Okusukururwa 3:19 Kandi naabo boona abangonza, nbahana kandi mbateera: nahabwekyo mwerinde kandi mwegarukemu.

Ekyebiragiro 6:5 Kandi ogonzege MUKAMA RUHANGA wawe, nomutima gwawe gwoona, nobwomezi bwawe bwoona, namaani gawe goona.

Abarumi 10:3 Baitu obubataramanyire okuhiki'ra kwa RUHANGA, kandi nibaseera okugumya okwabu bonka, batacule're okuhiki'ra kwa RUHANGA.

 

30. NAHABWEKI HATI MBEERAKI YOBWOMEEZI BWAWE OBWOMWOYO?

 

Abahondezi ba KRISTO abakugonzebwa:

 

Bumu aha busumi obwenaku muno obwabantu buli omukichweka ekyomubaibuli nambere kikugamba ngu omu Kubanza 3:24: "Nahabwekyo yabingamu omuntu...

 

RUHANGA akabingamu Adamu hamu na Hawa kuruga omu kubaho kwe-obwire obwenaku muno obwomuntu. Omuntu akaruga hali RUHANGA kandi caali yagenda hali ekiirima ekyaheeru ayahukaineho kuruga hali owakuha obwomeezi.

 

Kubanza 3:22-24 Kandi na MUKAMA RUHANGA yagamba, ati dora omuntu yaisana nkaitwe, okumanya ekirungi hamu nekibi: kandi hati, titalyekyo aija kuteka omukonogwe, kandi atwale na hamuti ogwobwomeezi, kandi alye, ayomeere ebiro byoona. 23 Nahabwekyo MUKAMA RUHANGA yamubinga omumusiri gwa Edeni, kugenda kulima itaka nambere yarugire. 24 Nahabwekyo yabingamu omuntu, kandi yateeka cherubimu hamu nempirimo eyerukwaka haburuga izooba lyomusiri eyahindukaga netunurra buli hamu kulinda omuganda ogukutwara aha muti ogwobwomezi.

 

Era omu Kubanza 4:16, nitwongera niturora nitusoma Cain amazire kwita mugenzi we Abeli, baibuli negamba "Kandi Cain yaruga omu kubaho kwa MUKAMA.”

Kubanza 4:16 Kandi na Cain yagenda yaruga omukubaho kwa MUKAMA, kandi yaikara omu kichweka kya Nod, ekinyakuli buruga izooba ya Eden.

 

Kyokusasaki muno kurora ngu abantu banu bakasobora kuruga omu kubaho kwa RUHANGA kandi twikaire turugire omu kubaho kwe kuruga ira, tukwatiirwe omunsi enyakwijwire ekibi, kandi enyakuli hansi yomukyeno. Bataito muno nibo bazoora omuhanda gwabo ogukutwara hali RUHANGA nomutima gwoona kandi abaingi bahambya ebintu byensi.

 

Abamu bagarukire hali RUHANGA---Abrahamu akaikiriza omuli RUHANGA, Baibuli negamba ngu kandi RUHANGA akakibara nkobuhikiriire habwokwikiriza omu-liwe.

 

Abarumi 4:3 Baitu ebyahandikirwe nibigamba bita? Ngu Iburahimu akaikiriza Ruhanga, kandi kikatekerezebwa haluwe okuba okuhiki'ra.

Noha, nikigamba omu Kubanza 6:8 akasanga embabazi omumaiso ga MUKAMA.

Okubanza 6:8 Baitu Noha akasanga embabazi omumaiso ga MUKAMA.

Baibuli negamba ngu Danieri obuyali nakyamara kuteeka omutima gwe hali RUHANGA, okumwetegereza nukwo RUHANGA Akahuliriza ebigambo bya Danieri hali RUHANGA.

Danieri 10:12 Nubwo yagambira ati otatiina Danieri; baitu okuruga ha kiro kyokubanza obuwagumize omutima gwawe okwetegereza, nokwebundaaza wenka omu maiso ga RUHANGA wawe, ebigambo byawe bikahu'rwa. Kandi nyizire habwebigambo byawe.

 

Nahabwekyo hati mbeeraki yobwomezi bwawe obwomwoyo? Oli nka Cain noruga hali mukubaho kwa RUHANGA nogenda omu itaka lya Nod rundiki nolengaho kuba nka Abraham, Noha hamu na Danieri noseera RUHANGA hamu nomutima gwe? Obworubata okaruga hali KRISTO, nogenda omu kuhambya ensi, oba olimu kuruga hali owakuha obwomeezi, ogwo ayabuhangire bwoona. Hanyuma yebyo byoona abantu abantu abakukira obwingi beyahukanizamu kuruga hali RUHANGA ebiro byoona obubatakomamu RUHANGA. Obworaaba otakurwanisa buli kiro kuseera RUHANGA, habwokuba nonyumirwa muno ensi kandi hamu nekyo ekyokutekereza nehereza, osobora kwesanga omumbeera eyotasobora kweihamu habwokubihiza OMWOYO ARUKWERA. Otaleka ekintu Otazanisa ekintu kyoona obukikwija hali nambere okugya kumara obwomezi bwebiro byoona...

 

31. IJA MUKUMANYA NKENGERI NDI KUNIHIRA KWAWE KWONKA, ENGERI HATALIYO OKUNIHIRA KUNDI KWOONA OKWENSI ENU ENYAKUBUZIRE BAITU NYOWE, RUHANGA WAYO, OMUHANGI WAYO.

 

(Ebigambo ebitungirwe Susan, kuruga hali MUKAMA waitu, Okwokubanza 12, 2014)

Nyetekaniize kutandika ebaruha empyaka:

Baana, onu ni RUHANGA wanyu---Ninyija bwangu kusiimura amaziga hali abo abakungonza, abanyakundindiriire, abo abakunyorobera. Bwangu emihito nebizibu byensi enu biija kubaleka hara muno enyuma. Ningya kubasika mbafwole bobugabe kandi mbateeke aha musingi gwange ogugumire omu bukama BWANGE. Enaku yoona hamu nokufwerwa kwoona eyenyakurugire omu kuhimba omusaraba gwawe habwange eija kuba enyuma yawe engeri oraaba okwasire omuhanda gwawe ogukugya omu bwomezi obukwija.

 

Muli nsuhuuki bu suhuuki omunsi eyetali yanyu-olimu kurabamu burabamu. Ensi enu teri--ka yawe. Tikiri kiikaro kyawe ekyebiro byoona. Baingi Tibakurora obwomezi bunu engeri buli bugufu nibuhwaho bwangu--ruli rwoya, orwokwikya, kandi niruhwayo. Enu niyo nsonga habwaki kiri kyobuzibu muno kuzanazana nakagisa akoine, hamu nokurabyamu amaiso embeera Yomwoyo gwawe, hamu nenteekaniza zobwomezi obukwija--endugiiramu yawe eyebiro byoona. Baingi baleka enchwamu zinu zitarambikirwe aha bwire obwomumaiso kandi baingi muno batwarwa batetekaniize, obwomeezi bwabo obubuhwayo