TEKANIRIZA OKUTWARWA KWEKANISA (Ugandan Version), Susan Davis [books like beach read .TXT] 📗

omu banabi nka Danieri, hamu na MUKAMA waitu omundagaano empyaka. Nahabwekyo kimu hali oburorwaho obukuru ngu hati bunu buli obwire obwokugaruka Kwa MUKAMA kutwara ekanisa ye, obwa RUHANGA Yabalizeho kurungi ruli orukaara oruraira muno orwoburorwaho obunyakulimu kwizira hamu omubwire bumu.

 

Nitusemerra kwemerra tuhuniriire kandi tukahagira tusemeriirwe ngu MUKAMA waitu Ali Wamananu muno kandi mwegendereza. Akabirambika mubwijwire enkumi nenkumi yemyaka enyuma--hamu nenkumi nenkumi yemyaka hanyumaho. Birimu kwizira hamu byoona, nomurro hambiro. MUKAMA ASIIMWE. MUKAMA Ali binu byoona. TAINA KAMOGO, NAYEMEREZAHO, NAYESIGWA, WAMANANU HALI EBIGAMBO BYE, KANDI NAIJA BWANGU. Nsemeriirwe muno kurora ngu nyina RUHANGA owakusobora kwesigibwa. Kyokugumyaki omunsi eyebihire, eyetakwesigibwa, eyekuzooka kubi, kandi eyekweyongera ekiirima. Ndimu kuteeka okwikiriza KWANGE omuli RUHANGA OWAKARA NA KARA, owanyakugamba ngu aija kukora kandi nakora.

 

39. EKIBI KIRIMU KUSESEKA, KIJURAINE OMUMBEERA ZOONA EZOBWOMEEZI

 

(Ebigambo ebitungirwe Susan kuruga hali MUKAMA waitu, Okwakasatu 29, 2014)

Muhara Wange, ngya kutandika kukuhereza ebigambo:

Baana BANGE, NINYOWE MUKAMA kandi MUJUNI wanyu. Emiyaga erimu kuhuuba kuruga buruga izooba kugya bugwa izooba. Ndimu kurora ekiirima nikikanya omunsi yoona--ensi eyenyakwijwire emizimu hamu nemyoyo eyekiirima eyenyakukwata emyoyo yabantu abanyakubuzire. Abantu behaireyo hali ekiirima nibahakaniza emirimo ya MWOYO WANGE. Nibenda kuhwerekereza byoona ebinkukikiira, byoona ebya NYOWE, RUHANGA nkukiikira omunsi.

 

Ekibi kirimu kuseseka, kijuraine omumbeera zoona ezobwomeezi. Bataito muno bonka nibesigwa nekigambo KYANGE, amananu GANGE--abasigaire beehaireyo hali enyegesa zemizimu. Abamu nibazooka nkabanguhire okumanyiira, kandi abandi tibanguhire. Abamu balimu kugwa hali ekyo ekikwisana nkekihikire baitu nikyebembera baingi nikibahabya, nibaikiriza kubi ngu bahikiriire NANYOWE, kandi kunu bali hara muno. Gunu nugwo omutima ogwekanisa eya koya koya--abakurisitaayo abanyakubuzire abakuteekereza ngu byoona birungi hagati Yaitu, baitu kandi baba nibakora ebibi ebyamaani habwembeera yaabu eyenyakuli Koya koya.

 

Bwangu ningya kuba ninyija kutwara ekanisa YANGE eyenyakweteekaniize--abo abanyakulindiriire, balindiriire nobwegendereza, kandi batakyali mungonzi nensi enu embi. Ekanisa eya koya koya eijuzibwe ebintu ebyensi kandi etungira Obwire butaito rundi tetungira bwire OMUHANGI Wayo nakamu. Kinu kiri kijumo! Kuli kwoleka butaba na ngonzi kandi NYOWE, RUHANGA, nkehezibweho omu bibakwegomba byabo ebyensi ebatwaireho omumitima yabo. Nkimanyire ndi hansi aha rukaara rwebyetaago byabo, mubibakuhambya, mubibakunyumirwa. Manyire emitima yabantu boona--busaho nekimu ekindabaho.

 

Abanyakuli koya koya, boojo muruge omumbeera zanyu eza koya koya--munserre kuruga omumutima ogwo'murro hamu nekihika ekyokwenda kumanya RUHANGA wawe nkomulinzi wawe wensita owakusingayo. Mulekeraaho kugaya OMUHANGI wanyu karundisi tinyina mugaso ngu kandi nsemeriire kuzokaho obwokuhurra ngu nikyetaagisibwa, kisemeriire; omubwire bwakayaasi/ kulemererwa hamu nomu bwire obwebiro bikuru. Kinu kiri ekinunko ekibi muno omu nyindo ZANGE. Tinsobora kutekamu kitiinisa engozi nkeezo ezutaina makuru hamu nenyehura yanyu hali NYOWE. Nkafwa okufwa okuzibu muno kandi najwa omumulingo ogwomuntu ondi weena atasemeriire kubonabonamu, kunu nkakolera kinu abahondezi BANGE abakunyorobera hamu naabo abakwehaireyo hali NYOWE nebyabo byoona kandi bakanyetaaga nokwehayo kwabo okwijwire. Abandi boona tibanyiniire omugaso omubwomezi bunu habwokuba barubatira aheeru yokugonza kwa ISENYOWE NYOWE kandi baija kunagwa, engeri nkwija kubachwayo mukanwa.

 

Omukurisitaayo anyakwikaara harugo tali aharugo-- omukurisitaayo onu alimu ira kugenda omu gehena. Abo bonka abatali aha rugo baina okwehayo okwijwire okubakozire hali NYOWE, nibegarukamu kandi baina enaku habwekibi ekyenyuma, nibaganyira bagenzi baabo, kandi nibanyegomba mbabeere MUKAMA WABO owobwire byoona, kandi MWEGESA wabo nubo abo abararuga omunsi obundaija okucungura omugole WANGE kandi nubo abarabagana NANYOWE obwomeezi obutahwaho omubukama obukwija.

Kakusinga otekereza ngu oli aha rugo, oli ira ahamuhanda ogukutwara omu gehena. Mulekeraaho kuzaana nomurro---obwire bugufu muno, kandi omunyanzigwa nayenda kubasika kubatwara. Abaingi bamazire ira kugenda omumuhanda gunu kandi bakererirwe muno kugurugamu engeri ebiro byabu ebyobwomeezi obwebiro byoona bumazirwe kutekwaho kandi tibaligeza kuba nakagisa akamwine hati okufworwa abahikire mumaiso GANGE, RUHANGA nukwo mbaikirize mumaiso ga ISENYOWE hamu na bamalaika be omu Iguru. Bunu buraaba obwire bwokutiinisa hali inywe rundi obwokwenyumizamu? Obumuraija okuntunurra, muraaba mukomeremu kurungi? Kandi muraaba NANYOWE ebiro byoona rundi mutali NANYOWE Ebiro byoona? Museere omu myoyo yanyu-- muchwemu Kiro kinu kichwekaki kandi ninooha owumukwenda kumara nawe ebiro byoona?? Mukomemu NYOWE-- OMUHI WOBWOMEEZI. NINYOWE kandi tihaliyo ondi weena.

RUHANGA omu Iguru:

 

Omujuni wa byoona-- owakwikirizibwa bataito.

Ebyahandiikirwe ebikugenderaho:

 

Matayo 24:27-29 Baitu nkenkuba okweruga buruga izooba nerorwa okuhikya bugwaizooba; nukwo kuliba kuti okuija kwomwana womuntu. Nambere hali omutumbi esega nuho zesoroleza. Baitu aho naho, omuhito ogwebiro ebi guhoireho, izooba lirifwoka omuirima nokwezi tikulijwa nomwezi gwakwo, nenyunyuzi zirigwa, okuruga omu Iguru namaani agomwiguru galitengesebwa.

 

Okusukururwa 3:16 Nukwo obwokutagata koya koya, kunu torukufuka kandi torukutagata ningenda okukutanaka omu kanwa KANGE.

1 Abakorinso 10:20 Baitu ningamba nti ebi abamahanga ebibahonga,babihongera abachwezi, kunu tihali RUHANGA: kandi tindikugonza inywe kuterana nabachwezi.

 

1 Timoteo 4:1 Baitu OMWOYO agamba mali ati,omu biro ebyenyuma, abantu baliruga omu kwikiriza, nibahu"ra emyoyo ehabisa nokwegesa kwa sitani.

Okusukururwa 3:5 Ogu weena owanyakusingura, ogu alijwekwa eganduura eyerukwera, kandi tindisiimura ibara lye omukitabu ekyobwomeezi, baitu ndyatura ibara lye mumaiso ga ISENYOWE hamu na bamalaika be.

 

40. EBIKAGUZO BYA HAMU NEBIGATUKWAMU KURUGA HALI RUHANGA

 

 

(Ebigambo ebitungirwe Susan, kuruga hali MUKAMA Waitu, Okwakasatu 30, 2014)

 

 

Ekikaguzo kya Susan: Omuntu kakusinga aba nayenda okuhikiira na RUHANGA, asobora kukora ata?

 

Ekigarukwamu Kya MUKAMA:

 

Kinu nikyo nkugamba: Baana BANGE: mwege okumanya RUHANGA habwokunseera omukaikaro akensita--ekiikaro ekyokugendamu kuba wenka hamu na RUHANGA wawe. Ningonza kuba naiwe omukaire kaawe akokuculeera,akokwehayo---nambere ndi omumaiso omubitekerezo byawe--ntalekesibwe okuburanganiza kwebintu ebyokukora ekiro ekyo. Nseera omumulingo gunu kandi ndazooka. Wegarukemu ekibi kandi kikole buli kiro buli kaire engeri ndi RUHANGA ARUKWERA kandi ninyetaaga okuhikiira hamu noburukwera. Nkuteriireho omuhanda ogwawe okunsanga--habwokujunwa okwomusaahi gwange, okunaguzire kuraba omu kihongwa ekigumire aha musaraba ogugumire. Musobora kwija omu kubaho KWANGE hati habwokuba nkasasurra omugendo gwobugabe bunu. Mwije kandi musobole okumanya---tindi hara muno yomuntu weena, kandi ninyayana kubamanya. Obwire bugufu--mutabusisira aha kuhambya ensi, busamu kantu, kandi nenaku yonka niyo mukugya kutunga mutali NANYOWE. Mpereza okwijuraana kwobwomeezi hamu nengonzi ezitahwaho. Ija obe haihi NANYOWE kandi ndakwebembera namaizi agarungi. Kunu kuli kwetaaga kwange habwobwomeezi bwanyu. NINYOWE mbalize.

Zabuli 91:1-2 Anyakwikara omu kiikaro ekyensita ekyogu anyakuli haiguru muno Nuwe araikaraga ha kiituru kyowobusobozi bwona. Ndigamba ha MUKAMA nti ogu nikyo kyokwebingamu kyange, nekikomero KYANGE, RUHANGA wange oundukwesiga.

Zabuli 81:7 Okakunga obwokaba oli omu bujune, nanyowe nakujuna; nakugarukamu omu kiikaro ekyensita nambere iguru lihinda: Nakulenga ha maizi aga meriba.

Zabuli 23:2 Ambyamya omu irisizo eryobunyansi obuto: anyebembera ahali amaizi agokuhura.

 

Matayo 7:23 NYOWE ndibagarukamu ningamba nti, Tinkabamanyaga inywe; murugeho nambere ndi inywena abakora ebyokwema.

  

 

 

 

Ekikaguzo kya Susan: Ensi erimu kufwokera kimu yekiirima-tusobora tuta kufuga obutiini bwaitu?

 

Ekigarukwamu kya MUKAMA: 

Nkinu ekigarukwamu: Ninsobora okukwata obutiini bwanyu--mubuteeke aha mabega GANGE--muheyo obutiini bwanyu byoona hali NYOWE kandi mumpereze akagisa mpindule emitima yanyu. Tinsobora kwikara nimpindura embeera zanyu habwokuba nyina pulani zobwomeezi bwabantu kandi nebintu ebimu tibisobora kuhindurwa baitu mwesige omuli NYOWE, kandi ninsobora kubasumurra kuruga omu nyehurra eyobutiini hamu nokuhwibwamu okunihira nobuhakuba omumbeera ezikusingayo obubi. Abeegi BANGE bakazina obubaali bali omunkomo. Kinu nikirugiira omu businge bwa RUHANGA--obusinge nkoobu butoho bwanyu nahati. Muheyo ebyanyu byoona hali NYOWE hamu nobutiini bwanyu kandi ngya kukwoleka ngu ndi RUHANGA owakusobora kwesigibwa.

Yakobo 4:7 Nukwo mucure're RUHANGA, baitu murwane na setani,kandi alibairuka.

Zabuli 7:1 Ai MUKAMA RUHANGA wange, niwe ndukwesiga. Onjune hali bona abarukumpiiga, onjune.

Zabuli 56:11 Ruhanga Nuwe nyesigire, tinditiina,abantu nibasobora kunkora ki?

Engeso zabakwenda 16:25 Baitu ekiro omuitumbi, Paulo na Sira bakaba nibasaba nibazinira RUHANGA ebizina kandi abanyankomo bakabahurra.

Ekikaguzo kya Susan: Tusobora tuta kwerinda omumwoyo kuruga hali okutwarwa ensi?

 

Ekigarukwamu Kya MUKAMA:

 

Kinu nikyo mutekwa kukora: mwikaze amaiso ganyu hali NYOWE, RUHANGA Wanyu. Mutagaikaize hali NYOWE, muija kufworwa nyama hali emirimo yo'munyanzigwa WANGE kandi aija kwiba, okwita hamu nokuhwerekereza. Muteke amaiso goona hali RUHANGA wanyu kandi nimugya kuba nimusobora kurwanisa okusikwa kwensi. Manyire ebizibu ebibalindiriire baitu--ninkira ebyo byoona, nahabwekyo leka mbe NINYOWE owakubaroreera omubimukurabamu byoona. Mumale obwire muli NANYOWE. Mwije omu kumanya nkowanyakusemeriire okumanywa. Ngya kubebembera nimbatwara mukiikaro ekyahaiguru kandi nimbasika nimbaiha omubintu ebyensi ebikubasikiriza hali NYOWE. Ninyenda omugole owanyakwine amaiso ge goona hali NYOWE nyenka.

 

Yohana 10:10 Omusuma taija, rundi okuiba, nokuita nokuhwerekereza: NYOWE nkaija zibe nobwomeezi kandi zibe nabwo obwingi.

Ekyebiragiro 4:29 Baitu oku obumuliba nimuse'ra MUKAMA RUHANGA wawe oli mubona, obwolimuseera nomutima gwawe gwoona nobwomezi bwawe bwona.

 

 

Ekikaguzo kya Susan: Kiki ekisobora kukorwa kuhikaho naabo abakyasingireyo kurwanisa enjiri eyeeka yaitu?

Ekigarukwamu kya MUKAMA:

 

Obworaaba oine omuntu weena owatarukwenda obutumwa BWANGE, owanyakukuli haihi---ikazaho okwikiriza Kwawe nobukiraaba kiki kandi otabaikiriza kukumaramu amaani. Abaana BANGE abatangonza malikwo tibarukumanya. Kakusinga abantu malikwo bali bamanyire RUHANGA wabo, tibakubaire nibaleka engonzi zabo ezihikire zimu zonka ezihingisibwemu ekintu ekyobunaku--ensi eyetalimu kantu, hamu nomunyanzigwa owakwenda kubarora muhwerekeriire. Musabire abantu mubwomezi bwanyu abanyakurwanisa obutumwa BWANGE. Mubaheyo omukuroreera KWANGE kandi ndahurra esaara zanyu. Mwemerre omukiikaro kyemyoyo yabo, mubasabire omubyahandiikirwe, kandi ogumye okukizibwa hali emitima yabo kandi NANYOWE RUHANGA wabo okubakingura hamu nokubebembera nimbagaara hamananu agebiro byoona. Lemeraho ogumisirize kandi otaikiriza omunyanzigwa kukumara amaani. Ningya kubasembeza engeri muragumizamu nimubasabira muno emyoyo enu enyakubuzire. Kinu nikyo ekinkusingayo kwenda: kuba nabaana BANGE, okuhikaho abanyakubuzire hamu nokubacungura kuruga muli gehena eyebiro byoona hamu nokufwerwa. Okumarwamu amaani nikugya kwija, baitu nobusinguzi buroho babukwasire abo abanyakubaza obwomezi, okwesiga, abanyakulinda okwikiriza kwabo, bakagumisiriza, kandi bakakwatirira OKUNIHIRA KWABO kwonka, RUHANGA wabo.

Ezekeri 22:30 Kandi nkase'ra omuntu omulibo owokuzitira orugo nokwemera omu kihuru omu maiso gange habwensi, ndeke okugihwerekereza: baitu ntabone nomu.

 

Engeso zabakwenda 16:14 Kandi omukazi omu Ibaralye Ludiya, omuguzi worugoye orurukuganjuka, owomurubuga Suatira, ayaramyaga RUHANGA, yatuhurra; MUKAMA waitu yaigura omutima gwe okuhwituka ebigambo Paulo ebiyabalize.

 

Ekikaguzo kya Susan: Omuntu asobora ata kusingura setani?

Ekigarukwamu kya MUKAMA: 

Gunu nugwo omulingo omuntu wena engeri asobora kusingura sitani. -- kikuru muno kuba omu KUGONZA KWANGE---kinu nikyo ekikozeso ekikusingayo ekyokurwanisa omunyanzigwa. Kakusinga orubata okaruga omukugonza kwe---naba atakyaine okulema kwona haliiwe. Ofwokere kyobuguuda KYANGE, hansi yokwebemberwa KWANGE, Nokufuga KWANGE. Tokyali yomunyanzigwa, kukora emirimoye. Ningya kufuga obwomezi bwawe, kandi nkutwale omu mihanda YANGE eyenyakuhikiriire. Gunu guli mulimo gwange okukora. Leka abantu bakimanye.

 

Yakobo 4:7 Nukwo mucule're RUHANGA Baitu murwane na setani kandi alibairuka.

 

41. BAIBULI NESOBORRA EBITAYANGUHIRE KWIKIRIZIBWA MUBWIJWIRE BIKI BYONYINI EBIKWIJA KUHIKIRRA

 

Abahondezi ba KRISTO abakugonzebwa:

 

Okusukururwa 14:9-11 Kandi na malaika owakasatu yabahondera, nagamba neiraka erikooto, kakusinga omuntu weena araramya ekisoro hamu nekisisani kyakyo, kandi akatunga nemanyikirizo omubuso bwe, rundi omungaro ze, ogu wenyini alinywa omwenge gwekiniga kya RUHANGA, ekisesirwe titatabwire omukikopo ekyekinigakye, kandi alibonabonesebwa nomurro hamu nobuganga omumaiso ga bamalaika abarukwera, hamu nomumaiso g'omwana GWENTAAMA. Kandi nomwika ogwokubonabonesebwa kwabo gutemba haiguru ebiro ebiro byoona: kandi tibaine kuhumurra nyamusana hamu nekiro, abo abanyakuramya ekisoro hamu nekisisani kyakyo, hamu na buli omu anyakutunga emanyikirizo eyeibara lye.

Baibuli nesoborra ebitayanguhire kwikirizibwa mubwijwire kiki ekirimu kwija kuhikirra enkumi nenkumi zemyaka yanyuma ekikukwataho hali "ebyakalimagezi byemanyikirizo yekisoro”--aka RFID micro-chipping netwaliranizibwa hamu nebyakalimagezi ebya bar-coding. Abantu abakukira obwingi barabyaho amaiso hali