TEKANIRIZA OKUTWARWA KWEKANISA (Ugandan Version), Susan Davis [books like beach read .TXT] 📗

aha mulingo osemeriire kwomeraamu obwomezi bwawe.

 

Osobora ota kumanya muno kukira RUHANGA, kunu RUHANGA nuwe yakuhangire kandi nuwe mananukwo yahangire obwomezi bwawe?? Ekigambo kya RUHANGA nikigamba ngu MUKAMA aine pulani zobwomezi bwawe, pulani zokukukuraniza, hatali ezokukuhutaaza.

 

Titusobora nokwetegereza kimu okuhwerekerra okutwehangiraho ahabwokunuga okugonza kwa RUHANGA, kunu nikwo malikwo emaliira eya RUHANGA atwiniire. Enu niyo ensonga habwaki okuruga omu Kugonza kwa RUHANGA kuli kumurwanisa kandi ekinaakwesire omulingo gwokubanza ogwokugwa ogwa buli muntu weena omunsi kandi ekyomugisa mubi,kugugwamu nikimanyisa oine omuganjaine muno na sitaani kukira na RUHANGA Wawe. Enu niyo ensonga habwaki kitwara abantu mu gehena.

 

Tusemeriire tuta omunsi okumara obwire bwaitu obwenkoragana na RUHANGA obwaraba ali MWOYO kandi atali mumubiri?? Kale, teekana. Buli kimu kyoona kiija kutereera. Obworaaba nogumirirwa rundi tokwekakasa oba nogenda omwiguru Rundi tokugenda, ningenda kukutwara omu byokugenda kuba norabamu kutandika na kiro kinu nukwo oyege omulingo oramara obwire obwenkoragana na RUHANGA oyege okugonza kwe nukwo kuha, rundi emaliira yawe eri eha eyobwomezi bwawe kandi obe nawe ebiro byoona omu Iguru.

*Kikuru kinu: Kandi ijuka, habwokuba ngu RUHANGA taina omubiri gwobuntu, tikikumanyisa ngu taroho, oba ngu wine enyikara eyosobora kuhurra rundi obuntu obwosobora kumanya.

  

1) Tunga obwire buli Nyenkyakara okusaba hali RUHANGA hamu nokumara obwire nawe.

Mukaguze okugonza kwe aha bwomezi bwawe ekiro ekyo nikuha kandi okukole. Kinu kikole buli Nyenkyakara. Kakusinga orakora kinu, Aija kukweyoleka omumanye kandi aratandika kubaliza omutima gwawe. Osobora butahuliiriza ebigarukwamu bye kwenyini, baitu oija kubihurra kukira muno obworakora kinu buli kiro, kandi okeega omulingo osobora kuba omu kubaho kwa RUHANGA kandi okahukaniza mu Iraka lye.

2) Tekamu RUHANGA omubyolimu kuteekerezaho/kurabamu /kuhurra buli kasumi akeekiro.

Obwire obumu, twebwa ngu RUHANGA aikara naturora, nahabweki tukora ebintu ebitumanyire ngu titusemeriire kukora. Enu niyo songa habwaki kirungi kwikara noyeijukya ngu RUHANGA malikwo aikara naturora hatali omumulingo ogwokutiinisa baitu omumulingo ogwomuzaire akukwatwaho. Ngonza kuba nakatabu akakwiruka na RUHANGA ekiro kyoona, nimbagana ebiteekerezo byange, hamu nobuhabuzi Bwange aha bintu ebya buli mulingo hamu nokukebera nawe kurora obundaaba nindubata nawe kurungi rundi kwaha. Oba ninkoraki, kibe kuhimba ebikulemera, kurora vidiyo, rundi kumara obwire nabanywani, kutekereza aha kukora enchwamu enkooto omu bwomezi Bwange, nteeka RUHANGA omu buli kintu kyoona ekinkora. Obworakora kinu oija kusanga ngu haroho emiringo nyingi muno eyi RUHANGA akukubaliza.

3) Soma ekigambo buli kiro.

Kinu kiri kintu ekisemeriire kwetegerezibwa baitu ensonga habwaki osoma ekigambo eri nyangu muno, okwenda kumanya engeri RUHANGA ali munyetwara ye, hamu nekyo ekya kutunihirramu. Omanya RUHANGA hanyuma yokumanya kiki ekyagamba hamu na kiki ekyakora, engeri nkokwaba iwe omuntu. Kiroho ngu Baibuli ehandikirwemu ebintu ebya RUHANGA agamba hamu nebyakora, nahabwekyo kiri kikuru tusemeriire tusemeriire kugisoma. Saba OMWOYO ARUKWERA kukusuukura ebintu ebimu ebiri omu Baibuli ebikuzooka nkebigumire kwetegereza. Ogu mulimo gwa OMWOYO ARUKWERA kukora.

 

Kale, hati kiki? Kasta oba okozire ekyo, otekwa kuba oli kurungi aha muhanda gwawe ogwokuba nenkoragana na MUKAMA, baitu oine kukoraho enkoragana enu, otahanika emikono okalemwa. Ikara noseera amaiso ga RUHANGA.

 

Ekintu ekimu ekinyakuhangaho okwahukana hagati yaitu na RUHANGA kiri ekibi, nahabwekyo rora ngu oyegarykiremu ebibi byawe byoona. Kakusinga oraba otakwekakasa aha kibi kyonyini ekyoine kwegarukamu, kaguza RUHANGA kandi arakugambira omumulingo gwokukuteka akasisani omubiteekerezo, omubigambo rundi omunyehuura.

 

Ekintu ekindi ekinkuteererra aha blog enu, kiri ekyetaago ekyo kusabira bagenzi baawe, kutemamu ekibulangiti ekyekibi ekinyakuswekere ekiri omu bichweka biingi muno omunsi enu. Okusabiraho bagenzi baawe niho obwosaba otalukuleka kuhikya omumwoyo obworabamu okadubura ekibulangiti kinu kandi hanu, ba nobwire obwanguhire obwenkoragana na RUHANGA. Otaine ebikusiikiriza byoona ebyemizimu hamu nebindi.

  

OMULIMO:

Akagisa akandi akoratunga, Imuka, singa amaino gaawe kandi okwate orupapura hamu na kalaamu. Ikaara hansi, imukya emikono yaawe haiguru kandi osabe hali RUHANGA. Okyali omu saara enu, osemeriire okaguze RUHANGA okugonza kwe aha bwomezi bwawe nikuha? Obwarakugambira okugonza kwe, dora ngu okuhandiikire. Nukwo okukole. Kyanguhire kityo. Humuura oyanguhirwe omumagezi ngu okugonza muno kulimu enchamu ezaiwe wenka osobora kukora kakusinga oba nomanya byoona kandi oine amaani goona, kandi oine amagezi agebintu ebiri omumaiso. Engeri otasobora malikwo kukwata etaara hali ekyo, ekintu ekiyonjo muno ekyosobora kukora kiri kwesiga okugonza kwa RUHANGA habwobwomezi bwawe nomanya ngu nakugondeza ebirungi byonka.

  

========= End of Blog by Rob Rennie ========= 

 

1. OKUGONZA KWAWE KULI KUHONDERA OMUNYANZIGWA WA RUHANGA RUNDI RUHANGA?

 

Obutumwa Bwobunabi Kuraba Omu Susan Davis

 

 

Ebigambo bya MUKAMA ebya kiro kinu

 

Abahondezi ba KRISTO abagonzebwa:

 

Yohana 8:44 Muli ba Isiinywe setani, kandi nimugonza okukora okwegomba kwa Isiinywe. Ogu okuruga kara na kara akabali muisi; takaikaraga omu mananu, baitu amananu busamu omuluwe. Obwabiiha ebisuba, buli agamba ebye, baitu ogu mubiihi, nuwe Ise ebisuba.

 

Matayo 7:21 Omuntu wena anyakungambira ati, MUKAMA WANGE MUKAMA WANGE, tali ogu alitaaha omu bukama obwomu Iguru: baitu ogu anyakukora Isenyowe ali omu Iguru ebyagonza.

 

Ebyahandiikirwe binu nibyolekya ngu haroho okugonza kwemiringo ebiri yonka. Okwa RUHANGA rundi okwa setani. Nahabwekyo ekikaguzo hali iwe kiri, okugonza kwawe kuli kuhondera omunyanzigwa wa RUHANGA rundi RUHANGA?

 

Nyihireyo ekyahandikirwe kinu habwekintu ekimu ekya RUHANGA yansukuliire enyumaho, habwensonga yokukibagana naabandi. Kakusinga oraaba otali wa RUHANGA, habwokuba totundiirwe kimu haliwe, kandi otayefwereriire kimu hamu nokuheerayo kimu ebyawe byoona hali RUHANGA, hati nikimanyisa ngu oli omungaro zomunyanzigwa, kukolesebwa nkokwakwenda. Kinu era kiri kintu ekya Bantu bataito muno batekwa kuba bamanyire habwokuba kakusinga baba nibamanya--hakubaireho abantu baingi abakuchwamu kuhayo ebyabu byoona hali KRISTO.

 

Omwoyo gwawe obugukuba gutali gwa RUHANGA, kandi guli ogwomunyanzigwa, ekyomunyanzigwa akwenda kyoona kiri okukuhwerekereza. Nobukiraaba kitakuzooka nkekikusoboka, omunyanzigwa aija kuhika ha bwomezi bwawe nokwanguhirwa okukora okugonza kwe hamu nobwomezi bwawe habwa pulani ze. Abantu baingi baine emyoyo emibi eyekwenda kubahwerekereza kuraba omu; kwangana, kuburwa entaahya, hamu nokubagana omu gehena hanyuma ya byoona. Ebaibuli nehereza ekyokuroraaho engeri emyoyo munda yomuntu engeri esobora kumutwara omumbeera ezokutiinisa Omwoyo nobwomezi--nkomwojo onu omuto owuyali nakora ebintu ebiyali atakwenda okukora:

 

Matayo 17:14-18 Obubahikire hali ekitebe, hakaija namberali omuntu, namutereza amaju nagamba ati MUKAMA WANGE, ganyira omwana WANGE: baitu agwa ensimbo, zimucanza muno: baitu enkanjaiga enyingi agwa omu murro, kandi enkanjaiga enyingi agwa omu maizi. Nkamuletera abegeswa baawe, tibasobora kumukiza. YESU yagarukamu nagamba ati inywe abobusinge obutarukuikiriza, oburukuhaba, ndihikya nkaha okuikara nainywe, ndihikya nkaha okubaganyira? Mumundetere hanu, YESU yamucomera omuzimu gwamurugaho. Omwojo akakira kuruga omu kasumi ako.

 

Engeri ekyahandikirwe kinu haiguru kikusoboraaho omwoyo omubi hamu na setani nayebembera obwomezi obwomwana namuletereza okugwa omu murro hamu nomumaizi, lengeranizamu, setani owakukugondeza kulemwa nalengaho kukwebembera omukukora ebintu ebikukuhwerekereza hamu nobwomezi bwawe obutahwaho--nakuletereza okugwa omu murro hamu nomumaizi. Lekera aho okugwa omu mirro, hamu nomu maizi agomunyanzigwa akwenda kukunagamu nokurugamu. Sumururwa hali ekibi kinu. Hayo ebyawe byoona hali KRISTO. Kandi okomemu okugonza kwa RUHANGA, haiguru yokugonza okwawe.

 

2. ABEMITIMA EYEBUNDAIRE BALIRUBATA NA RUHANGA WABO

 

(Ebigambo ebitungirwe Susan kuruga hali MUKAMA, Okwamukaaga 22, 2013)

 

Esaaha erimu kuhika eyokugarukira ekanisa YANGE. Erimu kutaahamu. Buli kiro, ninsembera haihi. Sizoni niyo enu hati. Muli omu sizoni eyimusemeriire kuba mulindiriire. Bunu tibuli bwire obumusemeriire kuba mwikaliire ahamikono yanyu rundi muzibiirize. Bunu buli bwire obwokuba bulindaara habunkenke. Mwikaze enyindo zanyu muzigamiize ha gilaasi-nimurora, mutunuliire, muhuliirize, engwara YANGE kubaza.

 

Ningya kwija nkomusuma omubwire bwekiro obworaba otatunuliire, tokwija kutwarwa obundagaruka kucungura ekanisa YANGE, kwihamu omugole WANGE. Alimu kwesoroleza omu mwenagiro Gwange. Omukuswekwa kwomusaahi GWANGE. Amaiso Gange goona ngataire hali we--omugole WANGE, Abo abakomamu kumpondera, RUHANGA WABO hamu nokuteeka hansi ebyokwegomba byabu ebyensi hamu nabyoona ebyeyemereera.

 

Omugole WANGE taine kanuzi koona akakusanga omunsi hamu nokusikiriza kwayo okwebisuba. Baingi bahindukiire ensi habwebigarukwamu byabo, nibanihira kutunga amananu gebizibu byabu ebyobwomezi kuraba omu basaija hamu nomumirimo yomunyanzigwa WANGE. Atahiire nayenda muno kubahabya kandi nayenda kubiiha abantu kandi nokutwara abaana BANGE omu gehena. Kinu nikyo kibaho, abaana BANGE obubaba babyamire kandi batatunuliire. Babihabihirwe kandi banguha okugwa omumikono yomunyanzigwa.

 

Okubihwabihwa kukanyire muno hati kandi omulingo gwonka ogwokwahukanizamu amananu guli habwokuhayo obwomezi bwawe bwoona hali NYOWE nokwehayo okwokwebundaaza, notaahira kimu omuli RUHANGA wawe; notunga okuswekwa kwomusaahi Gwange hamu nokujunwa okunabatungiire habwokuhanikwa aha musaraba nokufwa okuzibu muno. Nkahayo ebyange byoona nyeyendiire kubafwera omukiikaro kyanyu, kusweka ebibi byanyu ebimukozire hali RUHANGA ARUKWERA, RUHANGA wanyu, owanyakutaireho ebiragiro ebyokugenderaho mubwomezi.

 

Ekibi kyanyu buli bujeemu hali RUHANGA wanyu, omuhangi wanyu. Boona basisire kandi basubwa ekitiinisa kya RUHANGA. Hati habwomuhendo ogwamaani muno ogunasasuire, nsobora kugura okujunwa kwanyu. Nsasule ekibonerezo kyanyu ekyobwomezi bwanyu obwebikorwa ebibi okulyamu enguzi RUHANGA ARUKWERA. Hati osobora kukakasa ngu okujunwa kwawe kuine obulinzi kandi osobora kumara obwomezi bwebiro byoona na RUHANGA wawe omukiikaro kyokunagwa kuruga omu kubaho kwange kugya omu gehena eyebiro byoona-ekibonerezo ekyobwomezi bwawe obwe kibi.

 

Twalira busa okujunwa kwange kandi NOMWOYO WANGE araija aikale omumwoyo gwawe nukwo osobole kwikara otaine kibi, habwamaani ga MWOYO ARUKWERA baitu otekwa kubanza kuhayo ebyawe byoona. Nyehereza iwe wenka kandi nanyowe ndakwehereza nyeena. Okujunwa KWANGE hamu NOMWOYO WANGE kwikara omu mutima gwawe kukwebembera, kukuduumira, kukugumya, hamu nokukuyamba omubusumi obugumire obwobwomezi.

 

Ija yomeera obwomezi omubwijwire bwabwo bwoona habwamaani ga MWOYO WANGE ARUKWERA. Chwamu, noyenda kwomeera emaliira yawe hamu na pulani eyimpandiikire aha bwomezi bwawe; Okugonza KWANGE habwobwomezi bwawe? Ija omumbabazi Zange ezikujuna, hamu namaani kurwanisa ekibi, kusukura ekibi, hamu nokukugaara omu bukama Bwange omunsi hamu nomwiguru. Oija kuba oyeteekaniize kuharuuka mumwanya obundaija kutwara omugole WANGE.

 

Hati nubwo obwire obwokukora empingisa enu: Obwomezi bwawe obwijwire ekibi kubuhingisa na pulani Zange ezisemiire zitaine kamogo -pulani ezinakuhandikiire kara na kara muno kurubatiramu hamu nokwikara omubusinge okuteerana na RUHANGA kandi OMUHANGI. Ija ohikiire omumaiso ga RUHANGA. Otakerererwa. Hayo ebyawe byoona.

Abemitima eyebundaize baija kurubata na RUHANGA Wabo. Banu bonka balimanya, mananukwo kumanya. Okwebundaaza nugwo omuhanda ogufunda. Ija omumbabazi Zange hamu nengonzi ezitahwaho.

 

Ndi MUKAMA wa bakama

 

MULEMI WA BALEMI

 

RUHANGA OWAYEBUNDAIZE

Ebyahandikirwe ebikugenderaho:

 

1 Abasesalonika 5:1-2 Baitu ebyebiro nobusumi, bene baitu, timurukwetaga okuhandikirwa. Baitu inywe mumanyire kurungi ngu nkomusuma ekiro nukwo ekiro kya MUKAMA waitu kiija kiti.

 

Matayo 24:31 Kandi alituma bamaraikabe niraka erikooto eryengwara, nabo balisoroza abakebe omu mbeho ina, okuruga ha mpero yiguru okuhika hampero yalyo.

 

1 Yohana 2:15 Mutaligonza ensi nobuhakuba ebintu ebiri omunsi, omuntu wena owaligonza ensi, okugonza kwa Isiitwe tikuli omuluwe.

 

Yeremiya 29:11 Baitu manyire ebitekerezo ebindukutekereza nambere muli, agambire MUKAMA, bitekerezo ebyobusinge, kunu tibiri bya kabi okubaha okunihira hampero yanyu eyahanya.

 

Zabuli 37:23 Orugendo orwomuntu MUKAMA arugumya kandi asemererwa omuhandagwe.

 

3. ENU NIYO ESAAHA EYOKWEGARUKAMU

 

Ebigambo bya MUKAMA:

 

“Enu niyo esaaha eyokwegarukamu, kucura hamu nokuborooga aha bwebyokusiisa byanyu.”

 

(Ebigamho ebitungirwe Susan kuruga hali MUKAMA waitu, Okwamukaaga 23, 2013)

 

Susan, NINYOWE RUHANGA wawe. Nyetekaniize kugandiika. Ebigambo Binu biri bya buli omu owarahuliiriza hamu na buli omu owainiire omutima RUHANGA We:

 

Baana ba RUHANGA Owa hainguru muno, nimbasaba okwegarukamu hali RUHANGA owa RUKWERA. Enu niyo esaaha eyo kwegarukamu,