TEKANIRIZA OKUTWARWA KWEKANISA (Ugandan Version), Susan Davis [books like beach read .TXT] 📗

kucura hamu nokuborooga habwebibi byanyu hali okwegpmba kwanyu okubi okwensi, amaiso ganyu agakwegomba ensi. Mutekere RUHANGA ondi mumaiso GANGE, bwaruhanga bundi mali. Muntekere hansi muno eyorukaara rwanyu. Timunteekeremu ekitiinisa habwokuba nimugonza ensi kukira NYOWE. Tindi haiguru yomubitekerezo byanyu.

 

Tindi kitekerezo ekyokuhanza nyenkyakara rundi ekitekerezo ekyokusembayo ekiro. Baingi muno omuli inywe mumara akaire kataito muno NANYOWE omubiro byanyu. Muhereza obwire bwingi muno ebyokuhambya byanyu ebindi. Musanga emirimo yensi enyingi nebakiira muno okunseera NYOWE RUHANGA wanyu. Mukora abantu abandi, emirimo endi, hamu nebyokuhambya ebindi kuba bikuru muno hali inywe kukira NYOWE, OMUHANGI wanyu. Habwaki nimutekereza ngu ekyo kiri kiti?

 

Muchweriiremu kimu omubiteekerezo byanyu kukwata omuhanda ogwahansi muno kukira okuhambya omuhanda ogwa haiguru. Omuhanda ogwa haiguru guli muhanda ogufunda muno. Bataito muno baija kwija aha muhanda gunu. Ensi eija kukusikaho engeri oraaba nolengaho kwija hansi ahamuhanda gwange ogufunda. Omunyanzigwa aija kunyweza kandi asikeho abantu kuruga aha muhanda ogufunda ogukutwara omu kujuna kwange, omu mananu Gange, kandi hanyuma yabyoona, omubukama Bwange, nambere abahondezi BANGE abahikiriire baija kumarayo ebiro byoona. Mutekwa kuteeka amaiso Ganyu hali omuhanda gunu ogufunda. Mutekwa kunseera omumihanda yanyu yoona. Mutekwa kuhayo ebyanyu byoona hali NYOWE, RUHANGA wanyu, kandi nimanyisa ebyanyu byoona.

 

Tinsobora okwikiriza okwijuza okwebichweka okwetaara zanyu. Enkoragana eyebichweka tekwija kukora. Obworaba noyeikiririzamu ngu oyetekanize kwija NANYOWE omukutwara KWANGE okwekanisa, hati wakubaire onagiire kimu ensi. Wakubaire orubasire kurugira kimu omu Kugonza kwawe, oyenagire hansi habigere BYANGE omu kwegarukamu kandi osabire kuba omu Kugonza Kwange okutaine Kamogo hamuhendo gwoona. Ekintu kindi kyoona nikikuteeka omu kabi kokulemwa okwebiro byoona; okulemwa okujunwa hamu nokulemwa okuba na RUHANGA kumara ebiro byoona.

 

Ebigambo binu byesigwa, bikuru muno. Mutekwa kubitwara nkebikuru muno kakusinga nimwenda kujunwa. Okugonza RUHANGA okwebicweka mumutima nikwisanira kimu okunoba RUHANGA. Oba nimugonza, Okugonza Kwange hamu nemihanda YANGE, rundi nimunyanga. Tiharoho mwanya hagati.

 

Hati mwechweremu: Muraaba nanyowe omubukama BWANGE kumara ebiro byoona rundi murafwera omu kibi kyanyu mutali na RUHANGA Wanyu munagirwe omu gehena eyebiro byoona? Enchwamu zitekwa kukorwa zinu ziri nchwamu zanyu kukora; tiziri zondi wena. Mutabiihwa biihwa, tiharoho muhanda gundi gwoona. Mwije omu kyererezi KYANGE ekyekitiinisa, mutunge okujunwa, mukokemu NYOWE, muheyo ebyanyu hali NYOWE, mwegarukemu ekibi kyanyu ekibiihire, kandi nukwo mwije, mwikale omu Kugonza Kwange habwobwomezi bwanyu.

 

Ebigambo binu biri habwoburungi bwanyu. Obwire butaito, mwije bwangu musange RUHANGA Wanyu. Munage ebyokuroleera byanyu hali NYOWE, ndahimba emigugu yanyu. Ndindiriire ebigarukwamu byanyu.

ONU NUWE RUHANGA wanyu

Owamaani goona

 

Omugonzebwa WO Mwoyo gwawe

Ebyahandiikirwe ebikugenderaho:

Yakobo 4:4 Inywe abakazi abasihani timumanyire ngu okuganjana okwensi nubwo bunyanzigwa na RUHANGA? Nukwo omuntu wena anyakugonza okuba enganjani yensi buli ayefwoire omunyanzigwa wa RUHANGA.

 

Abagaratiya 5:16-17 Baitu ningamba nti, mugenderege omu Mwoyo, kandi timulihikiriza okwegomba kwomubiri. Baitu omubiri nugwegomba nugurwana nomubiri, baitu ebi nibiharana nukwo mulemere muti okukora ebi ebimugonza.

 

Matayo 25:4 Baitu abamagezi bakatwara amagita omu nsale zaabu hamu netabaaza zabu.

 

Matayo 7:14 Baitu irembo lifunzire nomuhanda ogutaha omubwomezi muke nabo abaguzora bake.

 

1 Petero 5:7 Nimunagira okutuntura kwanyu kwoona haluwe, baitu nabitaho omutima ebigambo byanyu.

 

4. OMULINGO GWOKUHURRAMU IRAKA LYA RUHANGA

 

Orubazo orwaharuteerano orwobunabi obwobwire obwempero

 

“Omulingo Gwokuhurramu Iraka Lya RUHANGA” Biherezibwe Donna McDonald:

 

Okwamukaaga 8, 2013

 

Abanywani bange abakugonzebwa, abanywani bange abakuru hamu nabahyaka:

 

Ebigambo binu bikansomerwa kuruga hali RUHANGA. Norora tindi kagambigambi womubantu abaingi, ndi muhereza. MUKAMA abaza kandi ndi wokumworobera.

 

Ekyokubanza mubyoona, ningonza kwegarukamu ebibi byange byoona, mumaiso ga RUHANGA ARUKWERA, nimbingamu omunyanzigwa kandi nimusindika mugehena hansi yeibara lya YAHUSHUA, YESU KRISTO, ninsweka ekisiika kinu, nyowe hamu naabo boona abali hanu nomusaahi gwa YESU. Nindiinda ekiikaro kinu hansi yeibara erirukwera erya MUKAMA.

 

Ninsaba hali MUKAMA, kandi nimwehereza, nimuhereza emikono yange, amaguru gange, omubiri gwange, omutima gwange, ebitekerezo byange, Omwoyo gwange. Nimuhereza byoona, Nimugambira ngu nimwenda weena kandi ningonza kugenda munziha muno nawe. Kurungi obwokumwehereza iwe weena,kandi okamugamba ngu noyenda huwe weena, kandi nomwenda muno, haroho ekikugya kubaho. Nkatunga ekisembo ekyokuhurra Iraka lye haihi emyaka ebiri enyuma. Ansukuliire ebintu ebikuhuniriza kwiha obu.

 

Ningonza kubagambira okunatungire ebaruha enu kuruga hali MUKAMA. Nkaba ndi mu motoka nabaana bange bali omuntebe eyenyuma kandi nomusaija Wange alimu kuvuga kandi tukaba nitusirimuka hamuhanda ogukooto aha 65mph ahamuhanda ogukugenda Florida. Mutabani wange, Austin, yatereza computa yange nukwo yakoraga nkokuhandiika ebigambo. Nagambira MUKAMA ngu nkaba nyetekaniize kuhurra obutumwa kuruga hali OMWOYO ARUKWERA. Hali ekyo ekinkugenda kubaza omu ruteerano. Akambaliza ebigambo binu kubagana nainywe. Nkataipinga engeri namuhurraga nabaza. Eka yange nesobora kunjuliira hali kinu. Nkagisomera ebigambo binu bwangu muno obunali ninkyamara kubihandiika.

 

Kinu nikyo Akwenda kubabaliza. Nsabire kandi natunga ebigambo binu kandi alimu kubabaliza ebigambo byobunabi binu:

 

Nkahanga enyunyuzi, omumwanya hamu nomusenyi aha nyanja. Nkahanga ebinyonyi hamu nebihoiholya hamu namababi hamu nemiti. Mpangire ensozi hamu nenyanja ezikooto hamu nezitaito hamu nemihanda, nebisaaru. Mpangire bulikimu kyoona kisemiire muno kyanyu kunyumirwa. Nkabihanga byoona byanyu, baana BANGE kubinyumirwa hanu omunsi. Era mpangire neiguru nalibahangira okulinyumirwa. Inywena mwine okuguru kwanyu kubyairwe omunsi munu baitu tikuli ngu byoona ebihangwa byange biraarora Iguru.

 

Baija kwemerra aha nyigi zeiguru kandi balintaangatangana maiso na maiso kiro kimu, ekiro kimu baitu tikuli boona balihurra "webale omuhereza omurungi kandi omwesigwa." Abo bonka abanyakumpa ebyabu byoona nibo balihurra ebigambo ebyo. Abo bonka abanyakuteeka harubaju ebyokunihira byabu byoona, pulani zaabu zoona, hamu nebirooto nibo naliirora eka YANGE, egyo eya Taata WANGE yampangiire kandi eyimbahangiire. Abo abaana bonka abanyakunteeka mukiikaro ekyokubanza omubwomezi bwabo, nibo balindora maiso na maiso kandi balitaaha omu Iguru, nambere mbahangiire ebiikaro ebyamaani kunyumirwa.

 

Tikikumara ngu inywe kugenda aha kanisa, kuvuga Maama wawe nomutwara aha lyahurro, kusoma baibuli YANGE bumu na bumu, rundi kunyeta omu kaire kaawe akobwetaago. Busaho diini yomuntu weena, rundi emikoore ye kanisa yabo, rundi ebisisani ebyakabajunaga, rundi esaara zabu encheke. Ninyenda abaana BANGE okunyeta buli kiro omu Saara. Ninyenda abaana BANGE okundora nka munywani wabo owakusingayo, okuntwara nkarundiisi ndi ekintu ekirungi ekikusingayo ekyakababahoga. Obunafweriire aha musaraba, orufu oruzibu muno, nkafwoka ekintu ekirungi muno ekikusingayo ekyakababahoga inywe inywena. Nkachwa omukyeno omurundi gumu kandi nakuchwera boona hali ekibi hamu nediini hamu nabyoona ebikugamba "kora hamu no'otakora" ebyomulembe ogwakara gwali gumanyire.

 

TAATA WANGE akampayo habwanyu nukwo mutasobora okubonabona hamu nokugumisiriza okubonesebwa hamu noburumi obunabairemu obunabafweriire aha musaraba. Okubonereza okwomuntu weena atakagumisirizaga kandi akaikaramu nkokunakozire kuhikya obunafwire nyamusana muno ekiro ekyo Golgotha. Nafwoka ekihongwa ekitaine kamogo habwanyu. Nkafwoka ENTAAMA aha musaraba ogukufuka ogu oguzibu, okubabonabonera nukwo mutalibonabona. Habwaki abaana BANGE bandyenzire kuzanazanira omunsonga omubwomezi bwabo, omumikono yabo yonyini, mukiikaro kyokuteeka obwomezi bwabo omu mikono YANGE eyobwaRuhanga eyekusobora. Habwaki notekereza ngu noyemanyira ekirukukusingirayo kunu nimanya byoona kandi mpangire byoona kandi manyire pulani etaine kamogo eyinkwiniire?

 

Iruka oruge hali ekibi kyoona. Irukira omu mikono YANGE. Ensi eyinakuhangiire erimu kufwa kandi nejunda mporampora. Eri kinunko ekibi hali Ise NYOWE. Takyasobora kugigumisiriza omurundi gundi gwoona. Ayetekaniize kutwara omugole WANGE kandi akankolera ekigenyi ekikooto omu Iguru. Inywena mwesirwe. Inywe murole ngu muhikireyo. Mutekwa kukwata ekiikaro (RSVP) nimuraba omu kuhayo obwomezi bwanyu hamu nabuli kimu kyoona ekimu Kugonza kandi ekimukunyumirwa kandi murole mumaiso hali NYOWE. Muheyo ebyanyu byoona hali NYOWE.

 

Ningya kubagambira hati, omulingo musobora kuhurra Iraka Lyange. Timukwetagisa kusoma ekitabu nobukiraaba ngu musobora kukisoma. Mutabani WANGE, Dr. Virkler, ahandiikire ekitabu ekibakweta "Dialogue with GOD" okubayambaho omukuhuliiriza Iraka lya RUHANGA. Ebigambo Byange hanu nibyo byoona mukwetaaga. Kinu nikyo mukwetaaga okukora:

 

1. Wehereyo kimu hali NYOWE RUHANGA wawe. Yomera habwange. Otapulaninga omumaiso. Iwe mpuliiriza buhuliiriza kandi ndayebembera nkwoleke emihanda yawe.

2. Weculeeze kandi ohuliirize ekyo ekinyine kukugambira. 

 

3. Dora NYOWE NYENKA. Weteremu akasisani oikaliire ahantebe rundi omukaikaro akarungi nondora kandi nobaza NANYOWE. Ekisisani ekya muhara WANGE Akiane yakubire nikyo ekisisani ekihikire kimu muno ekyange ekyakamanywaga omunsi. Seera ekisisani KYANGE aha intaneti nukwo oramanya owokubaza nawe.

4. Saba kandi osabe okuganyirwa ebibi byawe hali RUHANGA ARUKWERA. Nkaguza obuharaba haroho ekinkwenda kukubaliza. Hati semeza ebiteekerezo byawe kandi ompuliirize olinde nkubalize.

5. Ndi musaija owatekaine. Ndi RUHANGA Omugumisiriza kandi omwebundaazi. Nyine ebyetaago, kandi ninyenda kuba kyokubanza omu bwomezi bwawe. Abantu abakusinga batekereza ngu tinyina byeetago, habwokuba ndi RUHANGA wabo, baitu nyine ebyeetago kandi nkabahanga kutangatangana ebyetaago Byange.

6. Nyina ekyetaago ekyokugonzebwa hamu nokwendwa. Nyine ekyetaago ekyokuhuliirizibwa kurungi. Nyina ekyetaago ekyokuhaisibwa hamu nokuramibwa, kandi nyina ekyetaago ekyokuhuliiriza IRAKA LYAWE. Nimwenda kuhuliiriza Iraka LYANGE, kurungi Ninyenda kuhuliiriza iraka eryanyu NANYOWE.

 

Obumunyeherayo hali NYOWE, mukeculeeza, mukasaba, mukegarukamu, kandi mukahuliiriza mwija kuhuliiriza Iraka LYANGE. Nsobora butabaliza nambere musobora kuhuliiriza ahonaho, baitu ningya kubaza. Ikara nobaza kandi nohuliiriza kandi ndamaliira ninkugarukamu. Ngarukamu neiraka eritaito kandi era ngarukamu ninkweyoleka. Nyeyoleka buli kaire obwohurra omwana muto nacura, rundi orozire orusozi rwekitinisa, rundi orozire omwanya haiguru ogwakarangi akarungi aka bulu, omuhangaizima, akasana omumwanya nikaraba omubicu, ekisaka kiijwire ebimuli, rundi edubwa hamu nakaana kaayo aharubaju rwomuhanda. Mbagana nainywe ebihangwa ebisemiire binu nainywe habwa boona kurora, Busaho nomu asobora kugamba ngu atamanye ngu hatabeho RUHANGA. Naabo abanyakuli munda muno omubibira, bya Africa, basobora kugamba ngu barozire RUHANGA wabo, omuburungi bwobuhangwa.

 

Munseere nkokunihira kwanyu kwonka, habwokuba NINYOWE kunihira kwonka omunsi enu eyekiirima. Buli kasumi ensi erimu kufwoka yekiirima kandi erimu kusirimuka hansi. Abo bonka abakunseera 100℅ kandi bakampereza obwomezi bwabo bwoona, hamu nebyokunihira byabo byoona, pulani zabo, hamu nebirooto byabo, baija kuruga omunsi enu boomire kandi bali kurungi. Mutaba abo abaana abataina magezi abakomamu ekiirima ahabwobutampereza kikumi ha kikumi. Ensi erimu kweyongera kufwoka yekibi. Omwoyo yomuhakaniza wa KRISTO alimu kwimuka obu tukyalimu kubaza hati, kandi nitwikya hati. Mukomemu NYOWE kandi mukomemu obwomezi. NINYOWE MUHANDA, AMANANU, hamu NOBWOMEZI. Busaho nomu aija hali ISENYOWE oihireho arabire omuli NYOWE.

 

Empero muhara WANGE.

Donna McDonald 5/21/2013

 

  

 

Ebigambo bya MUKAMA ebya kiro kinu

 

Abahondezi ba KRISTO abakugonzebwa:

 

Ebaibuli eijwire ebyahandiikirwe ebikubazaho okwezibwa kuraba omu KRISTO. Okwezibwa okuraba omuli KRISTO era nikikiikirwa "oburukwera" hamu "nokwebaganizamu hali ensi". Okwezibwa kwija obwomuntu aba ayeyahukanizemu kuruga omumihanda yensi--era ekikwetwa oburukwera rundi okwikara obwomezi obutaine kamogo, oburukwera.

 

Abantu baingi bagamba ngu tikikusoboka kuba omuntu ataine kamogo (okwezibwa) Oha asobora kwezibwa? Baitu Baibuli eine bingi ebyokubaza aha kwezibwa hamu noburukwera:

 

Matayo 5:48 Nukwo mulihiki'ra nka Isinywe ali omu iguru okwahikirire.

 

Abefeso 5:27 Nukwo agyeretere wenka ekanisa eyekitiinisa etanyina kamogo, nobugwakuba omugonya, nobukyakuba ekintu kyoona ekirukusisana kiti, baitu ikalege erukwera etaloho musango.

 

2 Abakorinso 7:1 Nukwo obutunyina emirago enu abarukugonzebwa, tweyogyeho okusisikara kwona okwomubiri nokwomwoyo, ntuhikiriza okwera omu kutina RUHANGA.

Abaheburaniya 10:14 Baitu obwekihongwa ekimu akahikiriza abanyakwezebwa okumara ebiro byoona.

 

2 Abakorinso 7:1 Nukwo obutunyina emirago enu abarukugonzebwa, tweyogyeho okusisikara kwona okwomubiri nokwomwoyo, ntuhikiriza okwera omu kutina RUHANGA.

 

1 Abasesalonika 4:7 Baitu RUHANGA atatwetere okutasemera, baitu okwezebwa.

 

1 Petero 1:16 Baitu kikahandikwa ngu muliba abarukwera, baitu ninyowe ndukwera.

 

Okwehakana kinu ekyokwezibwa hamu noburukwera obwomuntu omukigambo kya RUHANGA, noha oli nkowagambire ngu ekitabu ekirukwera hamu na RUHANGA nibabiiha habwokuba kihandiikirwe kandi tikisobora kwehakanwa. RUHANGA agamba, Ba arukwera nikimanyisa "Ba owanyakwezibwe"

 

Abantu bagamba, tosobora kuba anyakwezibwe, nahabwekyo habwaki nolengaho? Kurungi ekyo nikyo ekyempaka ekikusingayo ekya Setani ainiire abantu kurora ngu nibalekeraaho aha kuseera RUHANGA hamu Nemihanda ye tikisobora kukorwa, nahabwekyo habwaki omunsi omuntu wena alengaho kukora ekyo? Nahabwekyo Leka tukwatiriire emihanda yaitu enkuru,tuhondere ensi hamu nemihanda yensi. Ekyo ekintu ekyo 'burukwera" kiri kidishi omumwanya"... Baitu KRISTO agamba omu Luka1:37 Na RUHANGA, busaho ekitakusoboka, kandi ekyo nikyo ekisumuruzo ekyokwezibwa kwaitu, hamu nokuseera oburukwera bwaitu, hamu nokweyahukanizamu kwija hali RUHANGA. Hanu haroho omulingo ogwo muntu aseera kandi aija aha "Kwezibwa":

 

OMWOYO ARUKWERA -- OMWOYO ARUKWERA -- OMWOYO ARUKWERA -- OMWOYO ARUKWERA

Ekigarukwamu kiri, ha bwa OMWOYO ARUKWERA, omumukurisitaayo owa nyakweherireyo kimu (hatali ogu owanyakuli koya koya, owanyakwine etaara eyenyakwine amafuta agebichweka) nubwo omuntu asobora kuseera "okwezibwa" Tiharoho omulingo gundi gwoona. Nahabwekyo kakusinga omuntu ahurra omulingo ogwokwezibwa okukubazibwaho mu baibuli kuli haiguru muno, kandi kutasobora kuhikwaho, ekyo nikiba kiri habwokuba tibakakozire okuhingisa okwijwire okwobwomezi bwabo obwijwire ekibi nokwezibwa okukusangwa ahabwokwijuzibwa amaani ga MWOYO ARUKWERA owakukolera omu mukurisitaayo owa kora okwehayo okwijwire hali KRISTO.