TEKANIRIZA OKUTWARWA KWEKANISA (Ugandan Version), Susan Davis [books like beach read .TXT] 📗

okusabwa kunu kuruga hali ISE, Habwamaani ga MWOYO ARUKWERA. Kinu nikyo ekyaine kubabaliza:

 

Baana BANGE, onu nuwe MUKAMA owalimu kubaza. Ndi ISIINYWE Kandi munywani wanyu. Ndi ekintu ekikusingayo oburungi ekyakababahoga. Obunafweriire aha musaraba nyamusana muno omukiro ekyo aha kasozi ka Golgotha kandi nahayo OMWOYO WANGE, hali ISENYOWE kandi naikya omwika GWANGE ogukusembayo, nkafwoka ekintu ekikusingayo oburungi ekyakakubahoga. Baitu ninyenda kubagambira ekintu kimu rundi ebindi ebingi kandi nikyo kinu: ensi erimu kujuma RUHANGA wayo kandi erimu kwekorra ekitabu kyamahwa ekyokubyamaho hamu nokugenda hansi ahamuhanda ogukuterebuka omukiina kya gehena.

 

Ensi eri munyanzigwa hali NYOWE. Mperiize obwomezi bwange hamu nebyange BYOONA hali ensi, hali abaana BANGE abensi kandi nibemerra omurukarra orwokunjuma. Bakikora buli kaire obubagenda omukibanda oihireho movie zitaito muno, RUHANGA TAFWIRE kino kyokuroraaho kimu. Bakikora muno buli kaire obubasukura ekitabu hamu nabuli kaire obubatekaho TV, buli billboard, buli kirango omu mpapura zamakuru, buli kuramukibwa hamu nokusoborra. Kukira muno buli bwire bwoona abantu abanyeta abaana BANGE, basamya akanywa Kaabu kandi kuruga muliko, harugayo ekintu ekitarukwera kandi ekikujuma hali RUHANGA wabo, NYOWE. Tinkyasobora kugumisiriza kinu. Kuhikya dihi isiinywe owomunsi obuyandigumisirize akanwa akakujuma kandi akataine ngeso kandi akabihire hamu nakobusisi akolekeriize hali we? Mirundi eingaha eya maama wanyu owomunsi owumbahaire eyankwikalire kandi akarora burora batabani be hamu nabahara be nibahwerekereza obwomezi bwabo? Kurungi, ndi RUHANGA owatasobora kugumisiriza binu omurundi gundi gwoona. Ntungire ekikumara. Nkitungire muno kyampika haiguru aha bisigi BYANGE kandi na ISENYOWE owanyakumanyire omutima gwa buli omu alimu kukihurra kandi nanunkirwa ekinunko omukisiika kyentebe yobukama kandi atungire ekikumara. Tuli TAATA wanyu kandi twetekaniize kukuhereza mubyoona ekuhanwa okurungi. Twetekaniize kwihayo embooko kandi tukahana ensi hamu nabantu abanyakugirimu habwobutatekamu kitinisa ekya muhara WANGE hamu namatu ge hamu namatu GANGE hamu namatu ga TAATA WANGE gaikaire nigahuliriza. Mperiize Omuhara onu okuyayana kwokwegomba kubaza okurukwera kandi aikaire Ali murungi hali inywena inywe abaana abanyakunyeta IBARA LYANGE kandi mukanyeta TAATA wanyu baitu nimugumizamu hali okukozesa omg hamu na oh my gosh hamu na golly hamu na g--d-- hamu nebikwisana binu. Ntungire kinu ekikumara kandi nyetekaniize kwihayo embooko kandi nkateera nkahana inywena nobuhakuba inywe abakweyeta OKUGOLE WANGE. Muswaire, baana, mwiheyo esabuuni kandi mugyeteeke omukanwa kanyu. Buli omu omuli inywe aina esabuuni omu hoteri ye, kandi na buli omu omuli inywe aina sabuuni omukaye. Kakusinga eminywa yanyu yali neita obuhuka nka sabuuni zanyu, tinakubaire nimbaza nainywe baana. Ndi ISIINYWE, kandi nimbagonza kitalyekyo mbaleke kugwa omubiina bya gehena habwokurogotana NEIBARA LYANGE ERIRUKWERA hamu neibara LYA ISENYOWE OWARUKWERA owanyakuli omu kisiika ekyentebe yobukama nahuliriza orusororokano runu hati bunu. Akitungire kandi aija kutandika kukozesa embooko yokuhana obwire obundi obumurakolesa busa kubi IBARA LYANGE. Murabwirwe,mutaija nimuncuura kakusinga ISENYOWE abateera embooko yokuhana aha ntebe yamagezi. Ndi RUHANGA owakugonza baitu RUHANGA owahamire omuhikiriire. Tinkyasobora kuleka kinu kugumizamu murundi gundi gwoona. Nkitungire nainywe. AMINA, AMINA, AMINA, AMINA

 

Muhara WANGE osobora kwikaara hati engeri obujunanizibwa bwawe obwokubaza aha rusororokano runu buhoire. Okozesibwe kuteera embooko eyokuhana hali abaana BANGE. AMINA, genda oikaare.

 

 

 

Omukugarukwamu hali ebaruha eya Donna yatungire Okwamunana 3, 2014 eyekubazaho okukozesa kubi IBARA LYA RUHANGA ERIRUKWERA, ebaruhaye eyiyatungire kuruga hali MUKAMA, Susan Davis akagisabira kandi kinu nikyo ekiyali aine kubaza kurabira omuliwe omu Kwamunana, 19, 2014:

Ekizibu kinu ekyeminwa ekulegeya kiraira kandi kikooto kandi kihikire hara muno omubakurisitaayo. Baija kwomeera kukyeijukya. Esaaha erimu kwija. Tinkwija kwikiriza ekanisa enu enyakwiragwire, ekanisa enu eyekukozesa kubi ibara LYANGE okwija hali NYOWE. Baingi muno tibakurora ensobi yomuhanda gwabo. Ebigambo BYABO tibiine bulemezi omuntekereza hamu nomumitima yabo. Tihalimu kyomugaso hali ekyo ekindimu kubegesa. Beheriireyo kimu hali ensi eyibaine kandi eyibakubumbatira.

 

Baana BANGE mulimu kurora emaliira yomulembe. Omulembe gunu ogwekanisa guli haihi kuhwayo. Ndihaihi kweta emaliira yakwo. Ndihaihi kwihamu OMUGOLE WANGE, kandi nsige ekanisa eya koya koya enyuma. Nubwo eramanya ngu ekarogotana hali RUHANGA Wayo. Nuwe ekanisa YANGE eyomulingo ogunyakurwaire. Neyenda kukwata ekitiinisa KYANGE kyoona kandi ekyanike omumihanda yayo yoona eyekibi.

 

Tibaine okugonza KWANGE nobuhakuba omuntekereza zabu.Nibarubata omuhanda gwabo gwoona nibetoroora OKUGONZA KWANGE nibaseera okugonza kwabo. Nibairuka kukora ekibi. Nibairukira omu busiisi. Baine oburofu bwabo. Baijuza entekereza yabu nekibi nkakinu hamu nenguzi. Tinkyasobora kwenda kurora ekanisa enu. Ndwazibwe ekanisa enu eyekukozesa kubi ibara LYANGE. Ndihaihi kubatanakayo omukanwa KANGE. Tikyasobora kugumira ekijumo kinu murundi gundi gwoona.

 

Ndi muhi wobwomezi hamu nokufwa. Ndi ARUKWERA, ndubata ARUKWERA. Ngya kutunga omuhanda GWANGE naabo abatantekamu ekitiinisa. Omulingo gwabo ogwobutantekamu ekitiinisa, gwija kutangatanganwa nokuhwerekereza. Leka ekanisa enu etukumire mubutiini. Ekanisa YANGE etekwa kwehayo hali NYOWE, ekahayo ebyayo byoona, kandi ekekolera okujunwa kwayo nokutiina hamu nokutukumira. Ebigambo BYANGE tibikahindukire. Bikyali nkokubiri kirokinu nkengeri byali biri ijo. Ekanisa ehindukire baitu NYOWE tinkahindukire. Bahindwire emihanda yabo okwesemeza bonka baitu Timpindwire emihanda YANGE. Nkyali RUHANGA Wokuhikiira hamu noburukwera kandi ninyenda okutebwamu Ekitiinisa kuruga omu baana BANGE, okutekamu ekitinisa Ibara LYANGE, okutekamu ekitiinisa emihanda YANGE, okutekamu ekitiinisa amananu GANGE. Binu byoona biri omubigambo BYANGE ebimbalize omu kitabu KYANGE. Oli kaiso hali ebigambo BYANGE. Namber e babiri besoroliize hamu, Ali omuhagati yaitu. Muteeke ebigambo binu aheeru, mubimanyise abantu. Ngya kugumizamu kuhabura ekanisa ensiihani.

 

 

 

Susan Davis akasabira obutumwa bunu huwe na Donna McDonald omu Kwamunana 13, 2013. Kinu nikyo ekya MUKAMA akaba aina kumubaliza hali obutumwa obwa Donna McDonald obuyakamara kuhereza obukubazaho okukozesa kubi IBARA LYE ERIRUKWERA:

 

Amatu GANGE bahya obwabaana BANGE bakora kinu. Kimbiihiza kandi kinyisa ekiniga. Tibetekaniize nakamu kwija omu kitiinisa KYANGE. Batekwa kwija omu kyererezi kandi bakafwoka abakwera. Batekwa kweza eganduura zabo kwihaho oburofu bunu obukuswaza, obukuruga omukanwa. Ebigambo byabo bitekwa kuba nibisemeza hali NYOWE kandi bitakubiihiza. Eibara LYANGE litekwa kuteibwamu ekitiinisa, kwezibwa.

 

Tukakaguza obuharaaba haroho ebigambo byoona Donna hamu NANYOWE ebituraaba nitukozesa ebitakumusemeza. Akagamba: Mulengeho kwerara nokukolesa engamba nkenu: oh my goodness. Kineho akakwataine katoito akokukozesa ibara LYANGE...Bwangu hanyuma yokubaza kinu nkahurra 'expletive deletive' ekubazaho hali binu, 'oh My goodness' phrases. MUKAMA abihiirwe hali okukozesa kubi ibara LYE ERIRUKWERA.

 

Ebigambo ebihairwe Susan Davis kuruga hali MUKAM MA, Okwamunana 13, 2014--

https://www.youtube.com/watch?v=BEJ8RrZS3p8

 

60. OSOBORA KURUBATIRA OMU BUKAMA BWA RUHANGA OKYALI HANU OMUNSI HABWOKUHAYO EBYAWE BYOONA

 

(Ebigambo ebitungirwe Susan kuruga hali MUKAMA waitu, Okwamwenda 10, 2014)

(Nkaba mazire kusoma baibuli YANGE kandi nkaba ndimu kubaliza RUHANGA, ndimu kumara bumara obwire nawe nyenkyakara emu kandi yatandika kumbaliza ebintu binu. Nkagamba ngu kinu kyembaganiza kandi namukaguza obundaaba nsemeriire kukwata akatabu nkabihandiika ebigambo binu kandi akagamba, ego "nyowe ntunge akatabu”. Nkakwata akatabu KANGE hamu na karamu Yange kandi akatandika kungambira kiki ekyokuhandiika):

 

Kinu nikyo yamperiize habwanyu kuhuura. Kiro kinu, ninyenda kubazaho empinduka yomuntu aha kaire kokutwarwa omukuba omuntu ahikiriire, oihireho embeera yomunsi hanu--okumalirizibwa kwomuntu okuba omumbeera eyokuba anyakwetekaniize okwija omumaiso ga RUHANGA omubuswezi oburukwera aha kasumi kokutwarwa omukukoimya kweriiso.

 

Omuntu owatwairwe ahinduka. Atunga omubiri oguhyaka. Omubiri gwe, omubiri gwenyama kuruga omuitaka eryomunsi guhinduka nigufwoka omubiri oguhyaka kuruga omuitaka eryomu iguru. Omubiri gunu oguhyaka niguhinduka, gusobora kuhinduka. Gutwara embeera yokuhinduka Gusobora kuhindura omulingo kuruga omu mulingo gwomuntu kufwoka kyererezi era nigugarukayo kusigikirra hakwetaaga kwa MUKAMA. Ebitekerezo hamu nokwegomba kwomuntu owali omukubaho KWANGE,naikara NANYOWE nibyo era bitekerezo BYANGE hamu nokwegomba KWANGE- Tuli kimu omu MWOYO.

 

Bwire bunu, okwegomba kwomuntu omusisi hanu munsi tikuli Kwegomba KWANGE--tituli kimu. Kinu kiri kibi. Abasaija abanyakuli aheeru yokugonza KWANGE barubatira omu kwegomba okwabo habwobwomezi bwabo. Tibehaireyo hali okwegomba KWANGE hali obwomezi bwabo, okugonza KWANGE hali obwomezi bwabo. Tindi MUKAMA WABO kandi MWEGESA wabo. Bunu nubwo obuso bwekibi.

 

Iguru hamu na Yerusalemu empyaka, ekiikaro ekyomugole WANGE akwikaramu tikiri kiti. Omugole WANGE, owanyakweheriireyo kimu hali NYOWE hanu omunsi, akolera kimu omubwijwire omukwegomba KWANGE hali obwomezi bwabo nahabwekyo bali omubukama bwa RUHANGA, nobubaraaba bakyali hanu munsi. Gunu nugwo omugaso ogwokwehayo okwijwire hali RUHANGA, kweherayo kimu hali KRISTO, noyegondeza kimu owehayo hali okugonza kwa ISIITWE, oiniire kimu okwijuzibwa kwa MWOYO ARUKWERA habwokwehayo okwokwebundaaza norubata nogenda omu BURUKWERA, noyeyahukanizamu hali okwegomba kwabantu abasisi, kwesika hali ekyo ekinyakuli kibi. Kunu nukwo Kugonza MUKAMA wawe nomutima gwawe gwoona, entekereza, omwoyo, hamu namaani gawe goona hamu nokugonza abaliraanwa bawe nkokwokwegonza.

 

Osobora kurubatira omubukama bwa RUHANGA oli hanu omunsi habwokuhayo ebyawe byoona--okwegomba kwawe okwomunsi, okwegomba kwawe kusisa oihireho okwegomba kwa MUKAMA habwobwomezi bwawe, oyehaireyo hali okugonza kwe okuhikiriire. Nukwo ahakaire kokutwarwa, omubiri gwawe guija kuhinduka ahonaho gufwoke omubiri ogutahwaho ebiro nebiro, ogukusobora okwija omu kubaho kwa RUHANGA hamu nokwikara NAWE ebiro byoona.

 

Mukole empingisa enu eya pulani zanyu na pulani ezobukama. Muhinduke muruge omu kibi kyanyu--okwegomba kwanyu okubi oihireho okwegomba kwa RUHANGA: OBURUKWERA, OBUHIKIRIIRE, OKUMALIRIZIBWA, ENGONZI. Kinu nikyo nkubendeza: okwahukanizibwamu, kuba ARUKWERA, kandi AHIKIRIIRE, oli hali NYOWE, MUKAMA Wawe kandi MWEGESA wawe. Noirukira omumihanda YANGE, Omumananu GANGE, noyetegereza ebintu ebinkutwara nkebikuru: nofwayo hali ababuzire, abacheke, abali mubwetaago, kwikara ohikiriire omunsi eyekibi.

 

Mutekanirize okugaruka KWANGE, mweyogye omukigambo KYANGE, mwije mwezibwe omu mananu GANGE. Muheyo okwegomba kwanyu hali okwegomba KWANGE. Murubatire omubusinge nanyowe, RUHANGA wanyu, omuhangi wanyu. Byoona biija kuba birungi hagati yaitu. Hataroho okwehayo kunu muli aheeru yobukama bwange obutahwaho, aheeru yokugonza KWANGE, musibirwe mwomunyanzigwa WANGE, nimukora okugonza kwe, nimukora ekibi, nimurwanisa obukama BWANGE. Mwije muteke hansi obwomezi bwanyu hali NYOWE obwire butakahoireyo habwanyu kukora enchwamu enu kandi mukanagwa kuruga omu kubaho kwange habwebiro byoona. Muchwemu muli omu bukama buha?

Onu nuwe Omuhangi Wanyu

 

Ndi OMUKAMA OWALI HAIGURU MUNO

 

Owensi enu yoona

Ebyahandikirwe ebikugenderaho:

(MUKAMA akahereza ebyahandikirwe bunu habwebaruha enu yenyini)

Zabuli 29:11 MUKAMA aliha abantube omugisa ogwobusinge.

Isaya 55:12 Baitu mulituruka nokusemererwa, mulyebemberwa okurugayo nobusinge: ensozi nobusozi biritoka nokuzina omu maiso ge.

 

Ebaruha enu eyekweyongeraho ekahebwa Donna McDonald kuruga hali MUKAMA Okwamwenda 12, 2014):

 

Nimbagonza muno. Obunabafweriire aha musaraba Kalivare, kikaba ekikorwa ekyengonzi ekikusingayo ekyo'muntu rundi RUHANGA asobora kukukolera. Nkaba ndi muntu kandi ndi RUHANGA Ahakasumi ako omubwire obu.

 

Nkahurra buli burumi bwoona hamu nokubonabona kwoona okwabasirikale boona aba Roma okubantaireho. Nkaba manyire buli kitekerezo kyoona kandi nkabarora nibanchwera ebichwanta kandi nkamanya enobi eyibali banyiniire omumitima yaabu. Bikaba byoona bihangwa--abo abanahangire nubo abambambire. Abasirikale aba Roma bali ba pawns bonyini, buchwekachweka obwa puzzle niboleka kiki ekyabantu boona Bali. Bakaba bali babi, ego baitu nabwo nikwo emitima yabantu yoona eri kuhikya obubatangatangana na RUHANGA wabo: Omu homu omunkoragana eyamaani--bamazire kuntunga kubanza hanyuma nokwehayo hali NYOWE hamu nokunseera omu kwehayo okwijwire. Enu niyo emihanda yokujunwa hanyuma kusera OMWOYO ARUKWERA omu kwehayo okwijwire omazire kusaba okwijuzibwa Nawe. Nuwe dunanis hamu namaani enyuma yabuli mukurisitaayo weena omusinguzi, omuto rundi omukuru, omusaija rundi omukazi. Nuwe EKYEREREZI ekinyakumulika omunsi hamu nomwiguru kurabira omuli NYOWE.

 

Obwoija omu Iguru oija kwakibwa ekyererezi kandi oija kuba oli omubiri ogukuhinduka ogukuhinduka kandi gukahinduka kutangatangana ebyetaago byange hali inywe. Tuliba nenkoragana eyobwaruhanga eyamaani eyomu homu eyerigumizamu ebiro byoona. Ndiba ninsobora kumanya kandi nkahurra buli kitekerezo kyawe kyona hamu kandi oija kukwatirwa omuli NYOWE omumulingo ogwobwaruhanga Ogwamaani naiwe. Kinu kiri kintu ekisemiire ekya ISENYOWE atekereho kandi abahangiire omu Iguru.

 

Muija kuhunirizibwa habwo kwanikibwa okwebihangwa bye, hamu nobwomezi hamu nokusemera okuli omu iguru. Kinu nikyo ekiikaro ekikuhuniriza kandi nokuhinguraho nentekereza yawe eyoine hali ekiikaro kinu. Otakerererwa. Hikiira NANYOWE kiro kinu rundi oija kuhikiira nomunyanzigwa. Nyikiriza nka MUKAMA Wawe, Rundi MUJUNI wawe. Mpereza Okwehayo okwijwire otwaliraniizemu okuhayo okunihira kwawe kwoona, pulani zawe zoona, hamu nebirooto hamu nebyokunyumirwa byawe hamu nenkoragana zawe. Ngya kutwara nvuge obwomezi bwawe obworaaba oyeheriireyo kimu hali NYOWE kandi nkufwole omuntu owuwahangiirwe kuba. Binu biri bigambo ebihikire. Nubwo mwikirize OMWOYO ARUKWERA omukwijuza kwe okuhikiriire kandi kinu kiija kuhereza "dunamis" eyorukwetaaga kusingura ekibi.

 

Enu eri nkoragana eyerukwikaraho ebiro byoona. Enu eri haburaira bwomukono gumu gwonka. Sembeza omukono gwawe kandi okwate Omukono GWANGE Kandi ngya kukwebembera omu bikusoboka ebikusingayo muno ebyokusobora kutekerezamu hamu nebikukiraho habwokuba ndi MUKAMA Wanyu kandi MUKAMA owebiro byoona. ALLELUIA, AMIINA, AMIINA, AMIINA, AMIINA.

 

 

Ngambirwe ngu nyine kutwaliranizamu nobutumwa bunu kuruga hali MUKAMA obwahairwe Donna McDonald, Okwamwenda 10, 2014:

Baana, muhulirize, haroho omwirima ogulimu kwija hali ensi, nibagweta ISIS. Kiri kibi omurulengo rwahaiguru. Kiri kibi ekiteranizibwemu. Nikiruga mwomunyanzigwa, kurugira kimu omukanwa ka gehena. Abaana BANGE batekwa kusabira kinu kandi basabe ngu babe bahikire okwihwamu omunsi omu kutwarwa kwekanisa. Saba kurora ngu omwoyo gwawe gusobole kujunwa kuruga omu kiirima kinu